Verkefnastjóri skjalavinnslu

Barna- og fjölskyldustofa óskar eftir að ráða metnaðarfullan og drífandi einstakling í stöðu verkefnastjóra skjalavinnslu hjá stofnuninni. Starfið er ótímabundið og heyrir undir framkvæmdastjóra gæðasviðs. Starfsstöð er Borgartún 21, 105 Reykjavík.

• Ábyrgð og umsjón með skráningu og skjalamálum.

• Innleiðing verkferla í skráningu og skjalamálum.

• Viðhald og innleiðing skjalastefnu þvert á stofnunina.

• Samskipti við tæknilega þjónustuaðila ásamt þjónustu við starfsfólk.

• Fræðsla til starfsfólks um skjölun og tæknimál.

• Aðstoða starfsfólk við notkun Gopro, O365 o.fl.

• Aðstoð við símsvörun.

• Háskólamenntun sem nýtist í starfi eða haldbær reynsla.

• Reynsla af sambærilegu starfi æskileg.

• Mjög góð almenn tölvukunnátta.

• Reynsla af O365 og GoPro æskileg.

• Nákvæm vinnubrögð.

• Framúrskarandi hæfni í mannlegum samskiptum.

• Þjónustulund og sveigjanleiki.

• Frumkvæði og skipulagshæfni.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að viðkomandi geti hafið störf sem fyrst. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofnunin aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur öll til að sækja um, óháð kyni.

Með umsókn skal fylgja starfsferilskrá. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.