Aðjúnkt(ar) við námsbraut í lögreglufræði

Háskólinn á Akureyri auglýsir stöðu(r) aðjúnkt(a) við námsbraut í lögreglufræði við Félagsvísindadeild, Hug- og félagsvísindasviðs.

Laust er til umsóknar 100% starf aðjúnkt I, eða tvær 49% stöður aðjúnkt II, með áherslu á lögfræði, sérstaklega refsirétt og sakamálaréttarfar, við námsbraut í lögreglufræði við Hug- og félagsvísindasvið Háskólans á Akureyri. Viðkomandi skal hafa meistarapróf í lögfræði frá íslenskum háskóla, með góða þekkingu á grunn- og kjarnaþáttum lögfræði, fyrst og fremst á sviði refsiréttar og sakamálaréttarfars. Traust þekking og reynsla á öðrum sviðum lögfræðinnar er einnig styrkleiki. Leitað er eftir umsækjendum sem hafa áhuga á að taka þátt í að móta nám lögreglumanna á Íslandi (aðjúnkt I og II) og rannsóknum á sviði lögreglu- og löggæslufræða (aðjúnkt I).

Leitað er eftir umsækjendum sem hafa þekkingu á lögum og reglugerðum sem tengjast störfum lögreglu og geti kennt eftirfarandi:

• Sakamálaréttarfar

• Refsirétt

• Lögreglurétt

Æskilegt er að viðkomandi hefji störf ekki síðar en 1. ágúst 2026. Ráðning er tímabundinn til eins árs, með möguleika á framlengingu um eitt ár.

Helstu verkefni eru kennsla í lögreglufræðinámi (aðjúnkt I og II) og rannsóknir við Háskólann á Akureyri á sviði lögreglufræði (aðjúnkt I). Næsti yfirmaður er forseti Félagsvísindadeildar. Starfsstöð er á Akureyri.

Aðjúnkt I er 100% staða þar sem starfsskyldur skiptast í 65% kennslu, 31% rannsóknir og 12% stjórnun en Aðjúnkt II er 49% staða þar sem starfsskyldur skiptast í 90% kennsla og 10% stjórnun.

• Meistarapróf í lögfræði og reynsla af störfum saksóknara innan réttarvörslukerfisins skilyrði.

• Hæfni til að kenna á íslensku.

• Góð tök á íslensku og ensku í töluðu og rituðu máli.

• Þekking á norðurlandamáli, öðru en íslensku, er kostur.

• Sjálfstæð og öguð vinnubrögð.

• Færni og hæfni í mannlegum samskiptum ásamt góðri færni í að miðla eigin þekkingu.

• Frumkvæði og skipulagshæfni.

• Sveigjanleiki, enda fylgir starfinu ferðalög.

Við mat á umsóknum er tekið mið af hversu vel viðkomandi uppfyllir þarfir námsbrautar í lögreglufræði.

Umsókn skal fylgja:

• Greinargott yfirlit yfir náms- og starfsferil.

• Staðfest afrit af prófskírteinum á íslensku.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Þar þarf að koma fram ef reynsla er af fræðastörfum og kennslu.

• Sé sótt um stöðu Aðjúnkt I þarf að fylgja með greinargerð um fyrirhugaðar rannsóknaráherslur og kennslusvið, ef til ráðningar kæmi.

• Umsagnir um kennslu- og stjórnunarstörf umsækjanda eftir því sem við á.

• Tilnefna skal a.m.k. tvo umsagnaraðila og er æskilegt að einn þeirra sé næsti yfirmaður í núverandi eða fyrra starfi umsækjanda.

• Fram þarf að koma í umsókn hvort sótt er um stöðu aðjúnkt I (100% staða) eða aðjúnkt II (49% staða).

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Námsbraut í lögreglufræði við Félagsvísindadeild

Námsbraut í lögreglufræði var stofnuð 2016 þegar nám lögreglumanna var flutt á háskólastig. Námið er tveggja ára diplómanám en nemendur geta síðan lokið einu ári til viðbótar til að ljúka B.A. gráðu í lögreglu- og löggæslufræðum. Haustið 2025 fengu 95 nemendur inngöngu í námið. Lögreglunáminu er ætlað að undirbúa nemendur til að starfa sem almennir lögreglumenn og er námið því að hluta til verklegt. Verklegur þáttur námsins fellur undir ábyrgðarsvið embættis Ríkislögreglustjóra. Nemendur sækja bóklegt nám í gegnum netið en starfsnám er staðbundið og fer fram við Mennta- og starfsþróunarseturs lögreglu (MSL) í Reykjavík. Samþættingar er krafist á milli bóklegs og verklegs náms sem felur í sér samvinnu á milli starfsmanna námsbrautarinnar við HA og starfsmanna MSL og töluverða viðveru starfsmanna HA í starfsnámi nemenda við MSL. Námið hefur verið í mikilli þróun undanfarin ár og verður áfram. Námsbrautin er í samvinnu með öðru lögreglunámi, sérstaklega á Norðurlöndunum.

• Ófullnægjandi umsóknir eru ekki teknar til greina.

• Háskólinn á Akureyri áskilur sér rétt til að hafna öllum umsóknum.

• Öllum umsóknum verður svarað þegar ákvörðun um ráðningu í starfið hefur verið tekin.