Hlaðmaður/aðstoðarmaður flugvirkja í flugtæknideild Landhelgisgæslu Íslands

Landhelgisgæsla Íslands leitar að öflugum og úrræðagóðum einstaklingi í starf hlaðmanns/aðstoðarmanns flugvirkja

• Aðstoða flugvirkja við undirbúning, frágang og þrif á þyrlum og flugvél fyrir og eftir flug

• Aðstoð við almennt viðhald loftfara

• Viðhald á húsnæði, þrif og tilfallandi verkefni í flugskýli

• Móttaka gesta og aðgangsstýring

• Öryggisgæsla á kvöld- og næturvöktum

• Nákvæm og öguð vinnubrögð og hæfni til að vinna undir álagi

• Mjög góð hæfni í mannlegum samskiptum og teymisvinnu

• Sjálfstæð vinnubrögð og frumkvæði

• Handlagni - geta til að sinna léttu almennu viðhaldi

• Snyrtimennska og góð umgengni áskilin

• Gott vald á íslensku og ensku - bæði í töluðu og rituðu máli

• Bílpróf er skilyrði

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Um framtíðarstarf er að ræða þar sem unnið er á þrískiptum átta tíma vöktum.

Um Landhelgisgæslu Íslands:

Landhelgisgæsla Íslands er borgaraleg öryggis-, eftirlits- og löggæslustofnun sem sinnir öryggisgæslu og björgun á hafi úti og fer með löggæslu á hafinu. Samkvæmt lögum nr. 52/2006 um Landhelgisgæslu Íslands er henni falið að gæta ytri landamæra og standa vörð um fullveldisrétt Íslands á hafsvæðinu kringum landið. Landhelgisgæslan fer með daglega framkvæmd öryggis- og varnarmála sbr. varnarmálalög nr. 34/2008, þ.m.t. er rekstur öryggissvæða, mannvirkja, kerfa, stjórnstöðvar NATO/LHG og ratsjár- og fjarskiptastöðva.Hjá Landhelgisgæslunni starfar um 260 manna samhentur hópur sem hefur að leiðarljósi slagorðið: Við erum til taks. Gildi Landhelgisgæslunnar eru: Öryggi - Þjónusta - FagmennskaNánari upplýsingar um Landhelgisgæslu Íslands má finna á: www.lhg.is

Umsóknarfrestur er til og með 6. janúar 2026. Umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Landhelgisgæslan starfar samkvæmt jafnréttisstefnu og er jafnlaunavottuð. Allir áhugasamir einstaklingar, óháð kyni, eru hvattir til að sækja um.