Sjúkraliði og sjúkraliðanemi í heimahjúkrun á Akureyri - Heilbrigðisstofnun Norðurlands

Heilbrigðisstofnun Norðurlands (HSN) á Akureyri óskar eftir að ráða sjúkraliða og sjúkraliðanema í heimahjúkrun. Um er að ræða 30-90% stöðu og er ráðningartími skv. samkomulagi. Æskilegt er að viðkomandi geti hafið störf sem fyrst.

Við heimahjúkrun starfar samheldinn hópur sem leggur mikinn metnað í að þjónusta einstaklinga á öllum æviskeiðum þeirra. Heimahjúkrun leggur áherslu á að vera fjölskylduvænn vinnustaður og mæta starfsfólki sínu með sveigjanleika.

Um er að ræða gefandi starf í frábæru teymi þar sem áhersla er lögð á faglega þjónustu og vellíðan í starfi.

• Vitjanir í heimahús

• Vinna með skjólstæðingum og aðstandendum þeirra

• Vinna í teymum sjúkraliða og hjúkrunarfræðinga

• Önnur tilfallandi störf

• Fullgilt sjúkraliðapróf eða staðfesting á námi fyrir nema

• Bílpróf er skilyrði

• Æskilegt er að umsækjandi hafi reynslu af starfi í heimahjúkrun

• Frumkvæði og sjálfstæði í vinnubrögðum

• Áhugi og góð reynsla af teymisvinnu

• Góð íslenskukunnátta

• Frábær samskiptahæfni, jákvæðni og sveigjanleiki

• Vammleysi s.s gott orðspor og að athafnir í vinnu og einkalífi samræmist þeim siðferðislegu kröfum sem gerðar eru til starfsins

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Með umsókn skal fylgja ferilskrá á íslensku og kynningarbréf þar sem færð eru rök fyrir hæfni viðkomandi til að sinna starfinu. Með umsókn skal einnig fylgja afrit af starfsleyfi og prófskríteini. Fyrir nema skal fylgja staðfesting á námi.

Tekið er á móti rafrænum umsóknum á starfstorg.is með því að smella hér fyrir neðan. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið. Öllum umsóknum verður svarað þegar ákvörðun um ráðningu hefur verið tekin.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.