Lyflæknir - Sjúkradeild

Heilbrigðisstofnun Suðurnesja (HSS) er með lausa stöðu sérfræðilæknis í lyflækningum.

Um er að ræða framtíðarstarf og æskilegt er að umsækjendur geti hafið störf sem fyrst eða eftir samkomulagi.

Leitað er eftir áhugasömum einstaklingum með frumkvæði, faglegan metnað og jákvætt hugarfar til að taka þátt í uppbyggingu stofnunarinnar.

Heilbrigðisstofnun Suðurnesja veitir íbúum Suðurnesja fyrsta- og annars stigs heilbrigðisþjónustu. Mikil uppbygging er á HSS og innleiðing á stefnu stofnunarinnar byggðri á Heilbrigðisstefnu til ársins 2030.

Á HSS er lögð áhersla á góða samvinnu, stuttar boðleiðir og góðan starfsanda.

Störfin felast í almennum lyflæknisstörfum á sjúkradeild auk göngudeildarþjónustu. Lyflæknar munu einnig vera heimahjúkrun innan handar með ráðgjöf og önnur verkefni. Þátttaka í kennslu og þjálfun nema, sérnámslækna og annarra fagstétta ásamt umbótavinnu.

Læknar starfa samkvæmt lögum og reglugerðum um heilbrigðisstarfsmenn, siðareglum og markmiðum lækna og deildarinnar.

• Sérfræðileyfi á Íslandi í almennum lyflækningum

• Sérfræðileyfi í undirgrein er kostur

• Reynsla af sambærilegum störfum er mikill kostur

• Sjálfstæði í vinnubrögðum

• Góð færni í mannlegum samskiptum

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum.

Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði. Starfshlutfall er samkomulag auk bakvakta.