Doktorsnemi í lífefnafræði

Laust er til umsóknar, tímabundið til þriggja ára, fullt starf doktorsnema við Líf- og umhverfisvísindadeild í verkefni sem fjallar um hlutverk umritunarþátta við endurmótun litnis. Doktorsneminn mun tilheyra rannsóknahópi Dr. Péturs Orra Heiðarssonar við rannsóknir á umritunarþáttum og víxlverkunum þeirra við erfðaefnið. Unnið verður með háþróaða staksameindasmásjá til þess að mæla og þróa líkön af víxlverkunum próteina og erfðaefnis. Verkefnið er fjölþjóðlegt samvinnuverkefni við rannsóknarhópa í Evrópu og USA.

Verkefnið fer fram í próteinvísindakjarna í Öskju Náttúrufræðahúsi sem hefur yfir að ráða víðtækum tækjabúnaði til einangrunar og greininga á próteinum og öðrum lífsameindum, ásamt háþróaðri staksameindasmásjá. Próteinvísindakjarninn er hluti af Raunvísindastofnun Háskólans og Lífvísindasetri sem tengir yfir 70 rannsóknarhópa og meira en 100 framhaldsnemendur.

• Tjáning og hreinsun flúrmerktra umritunarþátta, og framleiðsla litnis

• Rannsóknir á víxlverkunum umritunarþátta og litnis með staksameindatækni

• Hönnun stökkbreytinga á umritunarþáttum

• Meistaragráða í lífefnafræði, efnafræði, sameindalíffræði eða skyldum greinum

• Góð kunnátta í tölvu- og gagnavinnslu

• Reynsla af notkun gagnavinnsluforrita á borð við Mathematica, MATLAB er æskileg

• Færni í mannlegum samskiptum, sjálfstæði í vinnubrögðum ásamt því að geta unnið í teymi

• Góð enskukunnátta í töluðu og rituðu máli

Ráðning er háð því að umsækjandi sæki formlega um doktorsnám við Líf- og Umhverfisvísindadeild Háskóla Íslands og að umsóknin sé samþykkt af deild.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Reiknað er með að doktorsneminn hefji störf 1. mars 2026 eða fljótlega þar á eftir.

Eftirfarandi gögn skulu fylgja umsókn:

• Ferilskrá

• Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins

• Afrit af prófskírteinum

• Niðurstöður úr TOEFL eða IELTS

• Upplýsingar um tvo umsagnaraðila

• Einnig má senda PDF af ritverkum, t.d. meistararitgerð eða öðru (hámark 2 skrár)

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir