Starfsfólk í aðhlynningu óskast á hjúkrunarheimilið Móberg Selfossi

Heilbrigðisstofnun Suðurlands óskar eftir að ráða starfsfólk í aðhlynningu á hjúkrunarheimilið Móberg Selfossi.

Ef þú vilt vinna í umhyggjusömu og faglegu umhverfi þar sem velferð íbúa er í forgrunni, þá er þetta tækifærið fyrir þig!

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Um er að ræða fjölbreytt starf með skemmtilegu og metnaðarfullu starfsfólki

• Mikið er lagt upp úr góðu þverfaglegu samstarfi þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi

• Starfsemi heimilisins byggir á hugmyndafræði Eden stefnunnar og lagt verður upp úr einstaklingsbundinni endurhæfingu íbúa í leik og starfi.

• Umsækjandi þarf að hafa náð 18 ára aldri.

• Góð íslenskukunnátta í töluðu og rituðu máli.

• Framúrskarandi hæfni í mannlegum samskiptum, frumkvæði, áreiðanleiki og síðast en ekki síst jákvætt viðhorf.

Laun samkvæmt gildandi kjarasamningi sem fjármála- og efnahagsráðherra og Báran, stéttarfélag hafa gert.

Umsókninni þurfa að fylgja staðfestar upplýsingar um fyrri störf og meðmæli.

Um er að ræða vaktavinnu. Skipulag vakta er í samráði við deildarstjóra

Starfshlutfall og upphafsdagur ráðningar er eftir samkomulagi.