Landverðir í öryggi og eftirliti sumarið 2026

Þjóðgarðurinn á Þingvöllum auglýsir eftir landvörðum á sviði rekstrar í tímabundin störf frá 12. maí til 1. september 2026 eða eftir nánara samkomulagi. Störf landvarða hjá þjóðgarðinum á Þingvöllum eru fjölbreytt, skemmtileg og krefjandi. Um vaktavinnu er að ræða og þjóðgarðurinn útvegar farartæki frá fyrirfram ákveðnum stöðum innan höfuðborgarsvæðisins sem starfsfólk getur nýtt sér til að komast á starfsstöð.

• Eftirlit með minjum, náttúru og umhverfi Þingvalla

• Eftirlit með umgengni gesta, veiði, tjaldsvæðum og Silfru

• Eftirlit með öryggi gesta

• Þjónusta, upplýsingagjöf og móttaka gesta

• Létt viðhald innviða og þrif

• Önnur tilfallandi verkefni

• Reynsla af landvörslu er kostur en ekki skilyrði

• Landvarðaréttindi er kostur en ekki skilyrði

• Hæfni í mannlegum samskiptum og rík þjónustulund

• Stundvísi

• Verklagni

• Umsækjendur þurfa að tileinka sér þekkingu á þjóðgarðinum og nærumhverfi hans

• Umsækjendur þurfa að geta gengið í öll þau störf sem fyrir þá eru lögð

• Grunnþekking í skyndihjálp er kostur en ekki skilyrði

• Kunnátta í íslensku og ensku er skilyrði. Frekari tungumálakunnátta er kostur

• Ökuréttindi og hæfni til að aka bæði sjálf- og beinskiptum ökutækjum er skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Ferilskrá skal fylgja umsókn og skulu umsóknir fara í gegnum starfatorg.is.

Þjóðgarðurinn á Þingvöllum er elsti þjóðgarður landsins og hefur verið á heimsminjaskrá Unesco frá 2004. Þjóðgarðurinn á Þingvöllum er einn fjölmennasti ferðamannastaður landsins og því mjög lifandi og skemmtilegur vinnustaður sem býður upp á fjölbreytt verkefni og krefjandi áskoranir á hverjum degi.

Umsókn getur gilt í sex mánuði frá því að umsóknarfrestur rennur út.

Möguleiki er á tímabundinni framlengingu ráðningar.

Öll kyn eru hvött til að sækja um.