Starfsmaður í býtibúr á lungnadeild

Lungnadeild í Fossvogi óskar eftir að ráða jákvæðan og þjónustulundaðan einstakling til starfa í býtibúr. Viðkomandi þarf að hafa ríka samskipta- og samstarfshæfni og eiga auðvelt með að vinna í teymi. Starfshlutfall er 100% og er starfið laust nú þegar. Við tökum vel á móti nýju starfsfólki og veitum góða aðlögun.

Lungnadeild er bráðalegudeild með hágæslurýmum og eina sérhæfða lungnadeildin á landinu. Þjálfun og fræðsla er í fyrirrúmi á deildinni og mörg námstækifæri. Á deildinni starfa um 70 einstaklingar í þverfaglegu teymi. Starfsandi á deildinni er mjög góður. Við leggjum okkur fram við að þjónustan við skjólstæðinga okkar sé til fyrirmyndar, öryggi þeirra sé tryggt og að þeim sé sýnd hlýja og umhyggja.

• Starf í býtibúri

• Aðstoð við máltíðir sjúklinga

• Pantanir og frágangur á vörum

• Önnur tilfallandi störf í samráði við deildarstjóra

• Góð samskiptahæfni

• Þjónustulund og jákvæðni

• Sjálfstæði, skipulögð og öguð vinnubrögð

• Reynsla af störfum í býtibúri

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og Efling stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, starfsmaður, eldhússtörf, teymisvinna

Tungumálahæfni: íslenska 3/5, enska 3/5

Staðsetning: Fossvogi 108 Reykjavík