Aðstoðarmaður í eldhúsi - Egilsstaðir - SUMARAFLEYSING 2026

Heilbrigðisstofnun Austurlands (HSA) óskar eftir að ráða aðstoðarmann í mötuneytiseldhús HSA á Egilsstöðum í sumarafleysingu. Unnið er á virkum dögum og aðra hverja helgi í dagvinnu. Starfshlutfall er 100% eða skv. samkomulagi.

Fjölbreytt störf í eldhúsi.

Lögð er áhersla á metnað í starfi, skipulögð vinnubrögð, jákvæðni og sveigjanleika. Góður skilningur á réttri meðhöndlun matvæla og hreinlæti skilyrði. Lipurð og áreiðanleiki í samskiptum eru skilyrði. Íslenskukunnátta áskilin. Ekki er unnt að ráða fólk yngra en 18 ára.

Laun samkvæmt gildandi kjarasamningi sem fjármála- og efnahagsráðherra og AFL Starfsgreinafélag hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.