Heilbrigðisgagnafræðingur - Heilsugæslan Seltjarnarnes og Vesturbæ

Heilsugæslan Seltjarnarnesi og Vesturbæ leitar eftir að ráða heilbrigðisgagnafræðingi í 100% tímabundið starf til eins ár. Æskilegt að viðkomandi geti hafið störf sem fyrst eða eftir nánara samkomulagi.

Við leitum að heilbrigðisgagnafræðing sem er sjálfstæður og tilbúinn að takast á við fjölbreytt verkefni í starfsumhverfi sem er í sífellri þróun. Heilbrigðisgagnafræðingur vinnur náið með öðrum fagstéttum og gegnir lykilhlutverki varðandi utanumhald heilbrigðisupplýsinga. Á heilsugæslunni starfar metnaðarfullt starfsfólk í starfsumhverfi þar sem frumkvæði og sjálfstæði fær að njóta sín. Hér ríkir góður starfsandi og er áhersla lögð á árangursríka teymisvinnu.

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

• Ber ábyrgð á ritun og umsýslu sjúkragagna vegna skjólstæðinga og í samvinnu við annað samstarfsfólk

• Sér um móttöku, skráningu, skönnun og meðferð gagna í sjúkraskrárkerfinu Sögu

• Sinnir lyfjaendurnýjun í lyfjasíma og Heilsuveru

• Kemur að flokkun og svörun fyrirspurna í Heilsuveru

• Samskipti við skjólstæðinga, aðrar heilbrigðisstofnanir, tryggingarfélög, lögfræðinga og fleiri

• Aðstoðar í móttöku eftir þörfum

• Önnur tilfallandi störf

• Nám í heilbrigðisgagnafræði

• Starfsleyfi frá Embætti landlæknis

• Reynsla af ritarastarfi kostur

• Þekking og reynsla af upplýsinga- og skjalastjórnun

• Reynsla og þekking af Sögukerfi æskilegt

• Reynsla af Heilsugátt kostur

• Framúrskarandi samskiptahæfileikar, rík þjónustulund og jákvætt hugafar

• Skipulagshæfni, sjálfstæði í starfi og öguð vinnubrögð

• Góð almenn tölvukunnátta skilyrði

• Góð íslenskukunnátta skilyrði

• Góð almenn enskukunnáttu

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.