Starf í móttöku bráða- og ráðgjafarþjónustu geðþjónustu

Fjölbreytt og lifandi starf í móttöku bráða- og ráðgjafarþjónustu geðþjónustu við Hringbraut er laust til umsóknar. Við leitum eftir þjónustuliprum einstaklingi með mikla samskiptahæfni og einlægan áhuga á að sinna fólki með geðrænan vanda og fjölskyldum þeirra. Starfið felur í sér mikil samskipti, sjálfsstæði og fjölbreytt verkefni. Á deildinni er góður starfsandi og starfsemin einkennist af öflugri þverfaglegri teymisvinnu. Ritari þjónustunnar eru mikilvægur hluti teymisvinnunnar.

Unnið er á tvískiptum vöktum virka daga frá kl. 07:45-15:45 eða frá kl. 11:30-19:30 og á helgarvöktum frá kl. 12:30-17:30. Ráðning er frá 1. febrúar 2026 eða samkvæmt samkomulagi.

• Móttaka og skráning sjúklinga sem koma brátt og í bókuð viðtöl

• Símsvörun ásamt alm. skrifstofustörfum, s.s. pantanir og innkaup

• Umsjón í móttöku, vakt og starfsmannaaðstöðu

• Ábyrgð á daglegum viðfangsefnum deildar skv. verklagi

• Ýmis verkefni í samstarfi við stjórnendur

• Áhugi á að sinna fólki með geðvanda og fjölskyldum þeirra

• Sjálfstæði, áreiðanleiki og stundvísi

• Geta til að starfa undir álagi

• Faglegur metnaður, þjónustulipurð og mjög mikil samskiptahæfni

• Reynsla af sambærilegum störfum er kostur

• Menntun sem nýtist í starfi er kostur

• Góð íslenskukunnátta og góð almenn tölvufærni er áskilin, önnur tungumálakunnátta er kostur

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, skrifstofumaður, heilbrigðisritari, ritari, skrifstofustörf, móttaka

Tungumálahæfni: íslenska 3/5

Staðsetning: Hringbraut, 101 Reykjavík