Þjóðgarðsvörður á suðaustursvæði Vatnajökulsþjóðgarðs

Náttúruverndarstofnun auglýsir stöðu þjóðgarðsvarðar á suðaustursvæði Vatnajökulsþjóðgarðs lausa til umsóknar. Leitað er að metnaðarfullum og framsýnum stjórnanda með mikla samskiptahæfni, þekkingu og getu til að leiða starfsemi á svæði sem er þekkt fyrir stórbrotna náttúru, fjölbreytt verkefni og öflugt samstarf við samfélagið.

Þjóðgarðsvörður hefur aðstöðu á Höfn í Hornafirði og annast daglegan rekstur þjóðgarðsins á Breiðamerkursandi og austur að Höfn. Næsti yfirmaður þjóðgarðsvarðar er sviðsstjóri landvörslusviðs. Æskilegt er að viðkomandi geti hafið störf sem fyrst.

• Ábyrgð á daglegum rekstri suðaustursvæðis Vatnajökulsþjóðgarðs

• Mannauðsstjórnun, s.s. ráðningar starfsfólks og fleira í samstarfi við aðra stjórnendur stofnunarinnar

• Framfylgd rekstraráætlunar í samráði við sviðsstjóra og fjármálastjóra

• Samskipti og samvinna við hagsmunaaðila, s.s. sveitarfélög, fyrirtæki, stofnanir og íbúa

• Tryggja og viðhalda verndargildi svæðisins í samræmi við lög og stjórnunar- og verndaráætlanir

• Ábyrgð á öryggismálum, viðbrögðum við náttúruvá og ástandsmati svæðis

• Þróun og nýsköpun í þjónustu, fræðslu og uppbyggingu innviða

• Þátttaka í leyfisveitingum, samningum og áhrifamati vegna atvinnustarfsemi

• Undirbúningur funda svæðisráðs og þátttaka í stefnumótun stofnunarinnar

• Háskólamenntun sem nýtist í starfi

• Reynsla af stjórnun, rekstri og/eða mannaforráðum

• Framúrskarandi samskiptahæfni og geta til vinna í samstarfi við ólíka aðila

• Skipulagsfærni, lausnamiðuð nálgun og vilji til að taka ábyrgð

• Áhugi á náttúruvernd og samstarfi við nærsamfélag og ferðaþjónustu

• Þekking á opinberri stjórnsýslu er kostur

• Gott vald á bæði íslensku og ensku

• Leiðtogahæfni, frumkvæði og sjálfstæð vinnubrögð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um Náttúruverndarstofnun

Náttúruverndarstofnun tók til starfa þann 1. janúar 2025 þegar starfsemi Vatnajökulsþjóðgarðs og sá hluti Umhverfisstofnunar sem sneri að náttúruvernd og lífríkis- og veiðistjórnun sameinuðust í nýja stofnun. Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar.

Vinsamlegast látið ferliskrá og kynningarbréf þar sem færð eru rök fyrir hæfni í starfið fylgja með umsókninni.

Við hvetjum áhugasöm til að sækja um óháð kyni og uppruna.Öllum umsóknum verður svarað þegar ákvörðun um ráðningu verður tekin.