Sjúkraþjálfari - Heilsugæslan Mjódd

Heilsugæslan Mjódd auglýsir eftir sjúkraþjálfara til að sinna hreyfiseðla- og stoðkerfismóttöku. Um er að ræða 30-50% ótímabundið starf og er æskilegt að viðkomandi geti hafið störf 1. maí nk. eða eftir nánara samkomulagi.

HH Mjódd leggur áherslu á gott vinnuumhverfi og þverfaglegt samstarf. Á stöðinni starfa heimilislæknar, sálfræðingur, hjúkrunarfræðingar ásamt öðru heilbrigðisstarfsfólki og riturum. Ef þú telur þig vera réttu manneskjuna í starfið þá hvetjum við þig til að sækja um.

Mikil þróunarvinna er í gangi á stöðinni og stöðugt er unnið að því að bæta þjónustu við skjólstæðinga. Heilsugæslan á að vera fyrsti viðkomustaður í heilbrigðisþjónustu þar sem veitt er fyrstu línu þjónusta.

• Tekur á móti skjólstæðingum sem hafa fengið uppáskrifaðan hreyfiseðil frá heilbrigðisstarfsmanni og framkvæmir viðeigandi mælingar, setur upp hreyfiáætlun í samráði við skjólstæðing og fylgir henni eftir

• Metur, greinir og veitir ráðgjöf varðandi stoðkerfisvanda skjólstæðinga

• Skráir og fylgir eftir meðferð skjólstæðinga

• Nýtir faglega þekkingu til að forgangsraða og leysa viðfangsefni

• Veitir fræðslu til starfsfólks heilsugæslunnar

• Leiðbeinir samstarfsfólki

• Löggilt sjúkraþjálfarapróf

• Þriggja ára starfsreynsla sem sjúkraþjálfari æskileg

• Þekking á áhugahvetjandi samtalstækni

• Mikil hæfni í mannlegum samskiptum

• Góð íslensku og enskukunnátta

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu.

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.