Sérfræðingur í öldrunarlækningum við Sjúkrahúsið á Akureyri

Sjúkrahúsið á Akureyri óskar eftir að ráða sérfræðing í öldrunarlækningum. Einnig kemur til greina að ráða sérfræðing með aðra sérfræðimenntun eins og t.d. lyflækningar, taugalækningar og heimilislækningar og hefur reynslu í eða verulegan áhuga á öldrunarlækningum.

Um er að ræða 80-100% stöðu og er staðan laus nú þegar, eða eftir nánara samkomulagi.

Komdu í lið með okkur og finndu jafnvægið fyrir norðan!

Næsti yfirmaður er Sólveig Pétursdóttir yfirlæknir endurhæfingar- og öldrunarlækningaþjónustu.

Í starfinu felst dagvinna innan öldrunarlækninga á SAk sem fram fer á öldrunarteymi lyflækninga, göngudeild sem og í formi ráðgjafar á öðrum deildum sjúkrahússins. Einnig er bakvaktaþjónusta fyrir hjúkrunarheimili Heilsuverndar og endurhæfingardeild SAk á Kristnesi. Starfinu fylgir vaktskylda, þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknavinnu.

• Fullgilt íslenskt lækningaleyfi og fullgild réttindi í öldrunarlækningum eða annarri sérgrein læknisfræði sem nýtist í starfi

• Hæfni til að vinna sjálfstætt og sýna frumkvæði

• Hæfni og geta til að vinna í teymi

• Samskiptahæfni og lipurð í mannlegum samskiptum

• Við ráðningu verður lögð áhersla á faglega þekkingu, reynslu og hæfni ásamt hæfileikum á sviði samskipta, samvinnu og sjálfstæðra vinnubragða

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.