Sérfræðingur í heimilislækningum við geðsvið Sjúkrahússins á Akureyri

Ertu að leita að nýjum áskorunum í starfi og vilt taka þátt í umbótum sem hafa jákvæð áhrif á líf skjólstæðinga? Þá er staða sérfræðings í heimilislækningum við geðsvið Sjúkrahússins á Akureyri frábært tækifæri fyrir þig!

Undanfarin misseri hefur göngudeild og legudeild geðdeildar gengið í gegnum umfangsmiklar umbætur og endurskipulagningu á starfsemi sinni. Á deildunum fer fram fjölbreytt og mikilvægt starf til meðferðar og stuðnings við einstaklinga með geðraskanir. Á legudeild er sinnt öllum almennum bráðageðlækningum og hefur deildin greiðan aðgang að raflækningum þegar þeirra er þörf. Á göngudeild er bæði veitt einstaklings- og hópameðferðir, ásamt eftirfylgd með langveiku fólki. Þar að auki er eining sem sinnir meðferðarþráu þunglyndi meðal annars með TMS- og esketaminmeðferðum. Göngudeild býður einnig upp á fjölbreytta hópameðferð og endurhæfingu til að mynda með atferlismótun, hugrænni atferlismeðferð, DAM-meðferð og dýnamískum fræðum.

Um er er að ræða 50-100% stöðu sem er laus nú þegar eða eftir nánara samkomulagi.

Komdu í lið með okkur og finndu jafnvægið fyrir norðan!

Af hverju SAk:

• Þverfaglegt og styðjandi teymi í fjölbreyttu og gefandi umhverfi

• Tækifæri til sérhæfingar og þróunar í starfi

• Einstakt samfélag og gott jafnvægi milli vinnu og einkalífs

• Kennslu- og rannsóknartækifæri fyrir þá sem hafa áhuga

Geðdeild SAk er eina geðdeildin utan höfuðborgarsvæðisins og þjónar íbúum norður- og austurlands 18 ára og eldri. Deildin skiptist í legudeild og dag- og göngudeild með fjölbreyttum verkefnum og tækifæri til að vinna þétt með fagfólki á sviði geðheilbrigðis. Góð samvinna er við aðrar sjúkrahúsdeildir, heilsugæslustöðvar, félagsþjónustu sveitarfélaga, geðsvið Landspítalans og stofnanir SÁÁ fyrir fíknisjúklinga. Sjúkrahúsið er kennslusjúkrahús, sem veitir almenna og sérhæfða heilbrigðisþjónustu þar sem áhersla er lögð á bráðaþjónustu og helstu sérgreinameðferðir.

• Mat og greining á vanda sjúklinga

• Þátttaka í þverfaglegri teymisvinnu á legu- og dag- og göngudeild

• Þátttaka í gæða- og umbótastarfi

• Þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknarvinnu

• Þjónusta við sjúklinga á stofnunum á norður- og austurlandi

• Störfunum fylgir vaktskylda og ráðgjöf sérfræðinga á geðsviði

• Íslenskt lækningaleyfi og sérfræðiréttindi í heimilislækningum

• Áhugi á að veita vandaða og gagnreynda meðferð

• Áhugi á þróun og sérhæfingu í starfi og sveigjanleiki til að tileinka sér nýjungar

• Fagleg þekking, reynsla og hæfni á sviði samskipta, samvinnu og sjálfstæðra vinnubragða

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.