Sérfræðingur í barnalækningum við Sjúkrahúsið á Akureyri

Sjúkrahúsið á Akureyri (SAk) óskar eftir að ráða sérfræðing í barnalækningum við barnadeild. Um er að ræða 50-100% stöðu sem er laus nú þegar eða eftir nánara samkomulagi.

Barnadeild SAk er eina barnadeildin á landsbyggðinni. Hún þjónar aðallega íbúum norður- og austurlands frá fæðingu til 18 ára aldurs. Á deildinni er legudeild með nýburaeiningu auk dagdeildar og fjölbreyttrar göngudeildarstarfsemi. Deildin sinnir öllum almennum lyflækningum barna og veikindum nýbura að hágæslustigi.

Nánari upplýsingar veitir Danielle Courtney Shepherd, yfirlæknir barnalækninga á netfanginu dcso0123@sak.is

Komdu í lið með okkur og finndu jafnvægið fyrir norðan!

Af hverju Sjúkrahúsið á Akureyri?

• Góð starfsaðstaða og sterk fagleg samvinna

• Tækifæri til kennslu og þróunar

• Lífsgæði og samfélag

• Náttúruperla með frábærum möguleikum til útivistar

• Jafnvægi milli vinnu og einkalífs

• Sterk liðsheild

• Starfinu fylgir vaktskylda

• Þjónusta við sjúklinga á barnadeild, dag- og göngudeild, bráðamóttöku og fæðingadeild

• Þátttaka í kennslu heilbrigðisstétta

• Þjálfun sérnámsgrunnlækna og sérnámslækna auk tækifæra til rannsóknarvinnu

• Fullgild réttindi í barnalækningum og íslenskt starfsleyfi

• Leitað er að barnalækni með víðtæka reynslu í almennum barnalækningum og grunnþekkingu í nýburalækningum

• Hæfni og geta til að vinna í teymi

• Við ráðningu verður lögð áhersla á faglega þekkingu og sjálfstæð vinnubrögð auk hæfileika á sviði samskipta og samvinnu

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.