Hjúkrunarfræðingar - Komið í lið með okkur!

Heilbrigðisstofnun Norðurlands (HSN) óskar eftir öflugum hjúkrunarfræðingum til að sinna störfum hjúkrunarmóttöku og/eða skólahjúkrun. Um er að ræða 50-100% ótímabundin störf og er æskilegt að viðkomandi getið hafið störf sem fyrst eða eftir samkomulagi. Helstu verkefni eru á sviði heilsuverndar skólabarna, í hjúkrunarmóttöku ásamt öðrum verkefnum innan Heilsugæslustöðvarinnar á Akureyri.

Hjá stofnuninni starfar fjölbreyttur hópur fólks þar sem áhersla er lögð á teymisvinnu, samvinnu og samheldni. Rík áhersla er lög á vellíðan á vinnustað, samþættingu vinnu og einkalífs, símenntun, öryggi, gæði og fagmennsku.

HSN leggur jafnframt áherslu á heilsueflingu starfsfólks en Heilsugæslustöðin á Akureyri er heilsueflandi vinnustaður og var HSN fyrsta heilbrigðisstofnunin til að hefja innleiðingu á heilsueflandi vinnustað á landsvísu.

Áhugasamir eru hvattir til að hafa samband og fá frekari upplýsingar um starfið.

Hjúkrunarfræðingur í heilsuvernd grunnskólabarna

• Eftirlit með andlegu, líkamlegu og félagslegu heilsufari nemenda

• Stuðningur, ráðgjöf og hjúkrunarmeðferð

• Heilbrigðisfræðsla og forvarnir

• Skráning, skýrslugerð og upplýsingamiðlun

• Teymisvinna

• Góð samvinna við fagaðila í heilsugæslu og skóla

• Önnur verkefni skv. starfslýsingu og beiðni yfirmanns

Hjúkrunarfræðingur í hjúkrunarmóttöku

Hjúkrunarfræðingar sinna mikilvægu hlutverki í þverfaglegu teymi innan heilsugæslunnar og taka þátt í þróun á teymisvinnu

• Heilsueflandi þjónusta s.s. stuðningur og meðferð við sykursýki, offitu og öðrum langvinnum heilsuvanda

• Bráðaþjónusta: Hjúkrunarfræðingur vinnur í teymi með læknum á hjúkrunarvakt og á síðdegisvakt

• Aðgerðastofa: Þá sinna þeir bókuðum móttökum þar sem fjölbreytt hjúkrunarverk eru unnin s.s. lyfjagjafir, ónæmisaðgerðir, sárameðferð og margt fleira

• Blóðprufutökur

• Önnur fjölbreytt verkefni innan heilsugæslunnar

• Fullgilt hjúkrunarpróf og starfsleyfi

• Reynsla af heilsugæsluhjúkrun eða skólahjúkrun kostur

• Þekking og áhugi á forvarnar- og heilsueflingarstarfi

• Framúrskarandi samskiptahæfni, lipurð og sveigjanleiki í samskiptum

• Sjálfstæði í starfi, skipulagshæfni og öguð vinnubrögð

• Frumkvæði og lausnamiðuðu nálgun í starfi

• Jákvæð reynsla á samvinnu og samstarf

• Jákvæð reynsla og/eða áhugi á teymisstarfi

• fagmennska og jákvæðni

• Íslenskukunnátta skilyrði

• Gott orðspor og hreint sakavottorð

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Með umsókn skal fylgja ítarleg náms- og starfsferilskrá ásamt kynningarbréfi á íslensku þar sem fram kemur rökstuðningur fyrir hæfni viðkomandi í starfið. Með umsókn skal einnig fylgja afrit af prófskírteini og íslenskt hjúkrunarleyfi.

Tekið er á móti rafrænum umsóknum á starfstorg.is með því að smella hér fyrir neðan. Öllum umsóknum verður svarað þegar ákvörðun um ráðningu hefur verið tekin. Umsóknir gilda í sex mánuði frá því umsóknarfrestur rennur út. Fólk af öllum kynjum er hvatt til að sækja um starfið.

Tóbaksnotkun og notkun á rafsígarettum er ekki heimil á vinnutíma innan HSN.

HSN vill vera framsækin stofnun, eftirsóknarverður vinnustaður og í fararbroddi í heilbrigðisþjónustu og heilbrigðismenntun á landsbyggðinni. Hlutverk HSN er meðal annars að stuðla að heilbrigði íbúanna með því að veita faglega, samfellda og heildstæða heilbrigðisþjónustu.

Gildi HSN eru: Fagmennska - Samvinna - Virðing.