Sjúkraliðar á slysa- og bráðamóttöku

Heilbrigðisstofnun Suðurnesja óskar eftir sjúkraliða á slysa- og bráðamóttöku. Unnið er í vaktavinnu. Leitað er eftir áhugasömum og metnaðarfullum einstaklingum sem geta unnið sjálfstætt. Æskilegt er að viðkomandi geti hafið störf sem fyrst eða eftir samkomulagi.

Á HSS er lögð áhersla á góða samvinnu, stuttar boðleiðir og góðan starfsanda.

Um er að ræða fjölbreytt og krefjandi starf. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu.

Starf á slysa- og bráðamóttöku er umfangsmikið, fjölbreytt og lærdómsríkt. Starfið felur í sér móttöku og aðhlynningu sjúklinga sem leita á slysa- og bráðadeild, bæði vegna sjúkdóma og slysa. Þar fer einnig fram brotaendurkoma.

Nemar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

• Íslenskt starfsleyfi

• Faglegur metnaður og vandvirkni

• Framúrskarandi samskiptahæfni

• Sjálfstæði í vinnubrögðum

• Hlýtt og jákvætt viðmót

• Starfsreynsla er kostur

• Góð íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá, starfsleyfi og staðfesting á námi ef við á. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.