Fjölbrautaskóli Norðurlands vestra auglýsir eftir kennara í vélvirkjun og vélstjórn

Fjölbrautaskóli Norðurlands vestra óskar eftir að ráða kennara í 100% stöðu í vélvirkjun og vélstjórn á haustönn 2025. Möguleiki er á áframhaldandi ráðningu. Ráðning er frá 1. ágúst 2025.Fjölbrautaskóli Norðurlands vestra á Sauðárkróki er framsækinn framhaldsskóli sem leggur áherslu á fjölbreytt námsframboð í bóknámi og iðnnámi eins og sjá má á heimasíðu skólans www.fnv.is. Heimavist er starfrækt við skólann. Um 70 starfsmenn starfa við skólann og nemendur eru um 800. Skólinn hefur það að markmiði að bjóða upp á fjölbreytta kennsluhætti og námsmat m.a. með áherslu á leiðsagnarnám. Einkunnarorð skólans eru vinnusemi, virðing og vellíðan.

Kennsla í vélvirkjun og vélstjórn, undirbúningur kennslu í dagskóla og /eða helgarnámi, framkvæmd námsmats og faglegt samstarf í kennslugreinum, skv. gæðakerfi og öðrum markmiðum skóla sem og markmiðum aðalnámskrár

Viðhalda faglegri hæfni sinni og huga að tengslum við aðrar námsgreinar

Þátttaka í þróunar- og umbótastarfi er lýtur að almennu skólastarfi og innan sinna greina

• Meistararéttindi í vélvirkjun eða próf í véliðnfræði og D vélstjórnarréttindi

• Leyfisbréf sem kveður á um rétt til að nota starfsheitið kennari sbr. lög nr. 95/2019 um menntun, hæfni og ráðningu kennara og skólastjórnenda við leikskóla, grunnskóla og framhaldsskóla

• Mjög góð samskiptahæfni, ríkur samstarfsvilji og viðkomandi þarf að falla að þeim starfsmannahópi sem fyrir er í skólanum

• Frumkvæði og góð skipulagshæfni

• Áhugi á skólastarfi og vinnu með ungu fólki

• Góð tölvukunnátta

• Kennslureynsla og góð þekking á fjölbreyttum kennsluaðferðum æskileg

Laun samkvæmt gildandi kjarasamningi sem fjármála- og efnahagsráðherra og Kennarasamband Íslands hafa gert.

Vakin er athygli umsækjenda á að samkvæmt lögum um framhaldsskóla nr. 92/2008 er ekki heimilt að ráða einstakling til starfa sem hlotið hefur dóm fyrir brot á XXII. kafla almennra hegningarlaga og því er beðið um sakavottorð áður en af ráðningu getur orðið.

Eftirfarandi gögn skulu fylgja umsókn:

• Kynningarbréf þar sem fram kemur hvernig umsækjandi uppfyllir hæfniskröfur

• Ferilskrá

• Afrit af prófskírteinum og leyfisbréfi

• Upplýsingar um umsagnaraðila sem hafa má samband við

• Umsóknum skal fylgja ítarleg starfsferilskrá, leyfisbréf og prófskírteini.

Í samræmi við jafnréttisáætlun skólans er fólk af öllum kynjum hvatt til að sækja um starfið.

Á heimasíðu skólans, www.fnv.is eru upplýsingar um skólann og starfsemi hans. Skólinn starfar innan vottaðs gæðakerfis samkvæmt ISO-9001 staðli og vottaðs jafnlaunakerfis samkvæmt ÍST 85:2012 staðlinum.

Ath. starfið er með staðsetningu í Fjölbrautskóla Norðurlands vestra á Sauðárkróki.

Ráðið verður í starfið frá 1. ágúst 2025.

Öllum umsóknum verður svarað þegar ákvörðun hefur verið tekin um ráðningu.