Doktorsnemi í efnafræði

Laust er til umsóknar starf doktorsnema í efnafræði við Verkfræði- og náttúruvísindasvið Háskóla Íslands undir leiðsögn Krishna K. Damodaran prófessors. Verkefnið er þróun lífrænna rhodium(I)-efnasambanda byggð á amínósýrum sem krabbameinslyf og er styrkt af Rannsóknasjóði Íslands, Rannís, sem er á sviði lífólífrænnar efnafræði.

Krabbameinslyf byggð á platínu hafa verið notuð í áratugi, en þau valda aukaverkunum og gera það erfitt að greina á milli eituráhrifa á krabbameinsfrumur og almennra eituráhrifa. Rannsóknir okkar hafa sýnt að lífræn tin-sambönd með fosfínýldíþíóformati hafa mjög öfluga krabbameinsvirkni (Dalton Trans., 2022, 51, 13119-13128). Markmið verkefnisins er að mynda og greina fosfínýldíþíóformati byggð á amínósýrum og samsvarandi rhodium-fléttur. Doktorsneminn mun prófa krabbameinsvirkni efnasambandanna við Lífvísindasetur og greina verkunarmáta þeirra. Þar sem verkefnið er þverfaglegt þarf doktorsneminn að geta unnið bæði á sviði ólífrænnar efnafræði og lífvísinda. Einnig gefst nemandanum tækifæri til að öðlast reynslu í röntgenkristallafræði sem nýtist í tengdum rannsóknarsviðum.

Frekari upplýsingar um rannsóknir Dr. Damodaran má finna hér: http://uni.hi.is/krishna/research/

• MSc gráða í efnafræði, lífefnafræði eða skyldum greinum

• Góð þekking á lífrænni og ólífrænni efnasmíði, þar á meðal hönnun, myndun og greiningu ólífrænna efnasambanda, auk reynslu af prófun á líffræðilegri virkni þeirra

• Góð samstarfshæfni og þverfaglegt hugafar, frumkvæði og greiningahæfni

• Góð enskukunnátta í töluðu og rituðu máli

Ráðning í starfið er háð því að umsækjandi sæki formlega um að hefja doktorsnám við Háskóla Íslands í viðeigandi deild og að umsóknin sé samþykkt af deildinni.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Kynningarbréf þar sem kemur fram ástæður þess að sótt er um doktorsnámið (hámark tvær blaðsíður)

• Ferilskrá

• Afrit af prófskírteinum (grunnnám og meistaranám)

• Niðurstöður úr TOEFL/IELTS eða sambærilegum prófum fyrir þá sem hafa ekki ensku sem móðurmál

• Upplýsingar um þrjá umsagnaraðila og hvernig má hafa samband við þá

Öllum umsóknum verður svarað þegar ákvörðun um ráðningu hefur verið tekin.

Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.