Framkvæmdastjóri Bráða-, lyflækninga- og endurhæfingarþjónustu

Landspítali auglýsir laust til umsóknar starf framkvæmdastjóra bráða-, lyflækninga- og endurhæfingarþjónustu frá og með 1. júlí 2025.

Á sviðinu er veitt bráðaþjónusta vegna veikinda og slysa, almenn og sérhæfð lyflækningaþjónusta, auk víðtækrar endurhæfingarþjónustu.

Bráða-, lyflækninga- og endurhæfingarþjónusta Landspítala er umsvifamesta svið spítalans þegar horft er til legudeildastarfsemi og ferlistarfsemi spítalans. Á sviðinu er einstök þekking og reynsla af viðbrögðum við hvers kyns vá og tekur starfsfólk sviðsins þátt í viðbragði við slysum, eitrunum, farsóttum og annarri heilsutengdri vá í samfélaginu. Framkvæmdastjóri er leiðandi í að móta stefnu fyrir þjónustuna með hliðsjón af þörfum sjúklinga, aðstandenda, stefnu, gildum og starfsáætlun Landspítala. Þá leiðir framkvæmdastjóri í samvinnu við aðila á skrifstofu forstjóra og NLSH, undirbúning sviðsins fyrir flutning starfseminnar í nýjan meðferðarkjarna og nýtt húsnæði að Grensási.

Hlutverk framkvæmdastjóra er að þróa og samræma þjónustu við sjúklinga innan sviðsins og vinna að samhæfingu við aðra starfsemi spítalans í samræmi við stefnu og starfsáætlun Landspítala. Framkvæmdastjóri leiðir teymi öflugra stjórnenda sem ásamt yfirlæknum sérgreina, deildarstjórum legudeilda, þjálfurnareininga og talmeinafræði, hafa það sameiginlega verkefni að samhæfa, efla og þróa þjónustu í þágu sjúklinga sem veitt er innan sviðsins á öruggan, faglegan og hagkvæman hátt.

Leitað er að kraftmiklum faglegum leiðtoga með klínískan bakgrunn og mikla rekstrar- og stjórnunarreynslu, sem hefur brennandi áhuga á að byggja upp sterka liðsheild og framfylgja stefnu, markmiðasetningu og framtíðarsýn spítalans.

Framkvæmdastjóri verður hluti af forystu Landspítala sem hefur það markmið að koma stofnuninni í fremstu röð á Norðurlöndum. Framkvæmdastjóri heyrir beint undir forstjóra og situr í framkvæmdastjórn spítalans sem ber ábyrgð á stefnumótun og rekstri hans.

Starf framkvæmdastjóra er 100% starf.

• Forysta um þjónustu við sjúklinga og stjórnun klínískrar starfsemi sviðsins

• Leiða uppbyggingu og þróun þverfaglegrar þjónustu sviðsins

• Forysta um uppbyggingu öryggismenningar, gæða- og umbótastarfs og árangursvísa

• Efling kennslu og vísindastarfs innan sviðs

• Uppbygging mannauðs og liðsheildar

• Ábyrgð á fjármálum og rekstri og þátttaka í gerð fjárhagsáætlunar sviðsins

• Fagleg forysta í stefnumótun, markmiðasetningu, þróun og umbótastarfi sviðsins

• Fagleg samhæfing á starfsemi og verkefnum innan sviðs og milli sviða spítalans

• Háskólapróf auk formlegrar viðbótarmenntunar sem nýtist í starfi er skilyrði

• Klínískur bakgrunnur er skilyrði og æskilegt að hann sé á sviði bráða-, lyflækninga- og/eða endurhæfingarþjónustu

• Brennandi áhugi á uppbyggingu Landspítala og innleiðingu stefnu spítalans

• Farsæl stjórnunar- og rekstrarreynsla

• Skýr framtíðarsýn fyrir áherslur sviðsins og þekking á áskorunum og leiðum til úrbóta

• Framúrskarandi leiðtoga- og samskiptahæfileikar

• Hæfni til að móta jákvætt vinnuumhverfi og byggja upp sterka liðsheild

• Frumkvæði, drifkraftur og stefnumótandi hugsun

• Mikil hæfni í tjáningu í ræðu og riti, á íslensku og ensku

• Horft er til akademískrar reynslu við mat á umsóknum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að berast rafrænt í gegnum ráðningarkerfi ríkisins. Umsækjendur eru beðnir að skila ítarlegri náms- og starfsferilskrá ásamt kynningarbréfi, er innihalda framtíðarsýn umsækjanda og rökstuðning fyrir hæfni til að gegna stöðunni, fylgiskjöl skulu vera á pdf formi.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Tekið er mið af jafnréttisstefnu Landspítala við ráðningar á spítalanum.

Gert er ráð fyrir að ráðning framkvæmdastjóra taki gildi 1. júlí og er hún ótímabundin í samræmi 41. gr. laga um opinbera starfsmenn (nr. 70/1996), að loknum reynslutíma.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Tungumálahæfni: Íslenska 5/5, enska 4/5Starfsmerkingar: Heilbrigðisþjónusta, stjórnunarstarf, framkvæmdastjóri