Yfirlæknir bráðamóttöku Heilbrigðisstofnunar Suðurlands

Heilbrigðisstofnun Suðurlands óskar eftir að ráða yfirlækni bráðamóttöku HSU á Selfossi.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Starfið er leiðtoga- og stjórnunarstarf sem felur í sér faglega, stjórnunarlega og rekstrarlega ábyrgð á starfsemi bráðamóttökunnar. Einnig stýrir yfirlæknir bráðaþjónustu utan spítala á Suðurlandi í nánu samstarfi við yfirmann sjúkraflutninga.

Leitað er eftir sérfræðilækni með víðtæka reynslu og hæfni til að vera í forystu fyrir þjónustu við sjúklinga, umbótastarfi, kennslu, rannsóknir, öryggismál og uppbyggingu mannauðs í sérgreininni í nánu samstarfi við framkvæmdarstjóra lækninga og annað starfsfólk.

Um er að ræða fullt starf sem er bæði áhugavert og krefjandi og reynir á mikla þekkingu í læknisfræði, samskiptahæfni og fagmennsku.

• Fagleg ábyrgð á uppbyggingu, skipulagi og þróun bráðalækninga og utanspítalaþjónustu við HSU, þ.m.t. kennslu og vísindastarfi í samráði við framkvæmdastjóra lækninga

• Fjárhagsleg ábyrgð í samráði við framkvæmdastjóra lækninga

• Starfsmannaábyrgð, ábyrgð á uppbyggingu mannauðs og daglegri stjórnun starfsmanna á einingunni í samráði við framkvæmdastjóra lækninga

• Samstarf við aðrar sérgreinar sjúkrahússins, heilsugæslu og hjúkrunarheimili

• Þátttaka í innanhússfræðslu

• Þátttaka í fjölbreyttum nýsköpunarverkefnum á vegum HSU eins og t.d. innleiðingu á sjúkraskráningarkerfinu Leviosa

• Íslenskt sérfræðileyfi

• Jákvætt viðmót og hæfni í mannlegum samskiptum

• Frumkvæði og metnaður til að ná árangri

• Leiðtogahæfileikar og geta til að leiða umbótastarf og breytingar

• Umtalsverð færni og virkni á sviði bráðalækninga

• Reynsla af kennslu og vísindastörfum æskileg

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Bráðamóttaka HSU er hluti af sjúkrasviði HSU og er næsti yfirmaður framkvæmdastjóri lækninga og sjúkrasviðs.

Með umsókninni skal skila ítarlegri ferilskrá þar sem fram kemur ástæða umsóknar og rökstuðningur fyrir hæfni umsækjenda í starfið.

Upphaf ráðningarsamnings er samkomulag.