Sumarstörf á HSU - Sjúkraliðar / sjúkraliðanemar Hraunbúðir

Hjúkrunar- og dvalarheimilið Hraunbúðir Vestmannaeyjum óskar eftir að ráða sjúkraliða og sjúkraliðanema í skemmtilegt og gefandi starf í sumar með yndislegu heimilisfólki. Á Hraunbúðum eru 30 hjúkrunarrými, 4 dvalarrými og 1 hvíldarrými auk annarrar þjónustu við eldri borgara.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Um er að ræða fjölbreytt, krefjandi starf með skemmtilegu og metnaðarfullu starfsfólki.

• Mikið er lagt upp úr góðri þverfaglegri samvinnu þar sem fagmennska, umhyggja og virðing fyrir skjólstæðingum og fjölskyldu þeirra er höfð að leiðarljósi.

• Sjúkraliðamenntun frá viðurkenndri menntastofnun

• Starfsleyfi landlæknis / staðfesting menntastofnunar á framvindu náms

• Framúrskarandi hæfni í mannlegum samskiptum

• Frumkvæði og sjálfstæð vinnubrögð

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Um vaktavinnu er að ræða.

Starfshlutfall og upphafsdagur starfs er eftir samkomulagi.