Sumarstörf á HSU - Hjúkrunarfræðingar óskast á Móberg Selfossi

Heilbrigðisstofnun Suðurlands óskar eftir að ráða hjúkrunarfræðinga í sumarstörf á hjúkrunarheimilið Móberg á Selfossi.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Um er að ræða fjölbreytt starf með skemmtilegu og metnaðarfullu starfsfólki.

• Mikið er lagt upp úr góðu þverfaglegu samstarfi þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi.

• Um er að ræða vaktavinnu, skipulag vakta er í samráði við deildarstjóra.

• Heimilið hefur fimm almennar hjúkrunareiningar þar sem 12 einstaklingar búa á hverri einingu.

• Starfsemi heimilisins byggir á hugmyndafræði Eden stefnunnar og lagt verður upp úr einstaklingsbundinni endurhæfingu íbúa í leik og starfi.

• Hjúkrunarnám frá viðurkenndri menntastofnun.

• Starfsleyfi landlæknis.

• Góð hæfni í mannlegum samskiptum, frumkvæði, áreiðanleiki og síðast en ekki síst jákvætt viðhorf.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókninni þurfa að fylgja staðfestar upplýsingar um menntun, starfsleyfi og fyrri störf.

Starfshlutfall og upphafsdagur ráðningar er eftir samkomulagi.