Iðjuþjálfi

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2030.

Starfið felst í almennum störfum iðjuþjálfa fyrir einstaklinga og hópa í geðheilsuteymi ásamt þverfaglegu samstarfi við aðrar deildir innan HSS. Iðjuþjálfi ber faglega ábyrgð hvað varðar undirbúning, framkvæmd og skráningu íhlutunar skjólstæðinga teymisins. Hann nýtir viðeigandi matstæki, gerir færnimat, fer í vitjanir til þjónustuþega þegar við á og skipuleggur íhlutunaráætlanir fyrir skjólstæðinga og miðlar nauðsynlegum upplýsingum til annarra. Hlutverk iðjuþjálfa er að stuðla að og viðhalda sjálfstæði skjólstæðinga og efla þá til sjálfshjálpar. Um er að ræða 100% framtíðarstarf og æskilegt er að viðkomandi geti hafið störf sem fyrst.

• Mat á getu til iðju, áhuga og aðstæðum skjólstæðinga

• Skráning og skýrslugerð

• Hafa yfirsýn með þörfum skjólstæðinga og tryggja samfellu í þjónustu

• Ábyrgð á þeirri iðjuþjálfun sem hann veitir og mat á árangri meðferðar

• Meta færni, veita færniþjálfun og ráðgjöf

• Virk þátttaka í þverfaglegri þjónustu og meðferð skjólstæðinga og aðstandenda

• Fræðsla og ráðgjöf til skjólstæðinga og aðstandenda

• Skipuleggja og veita þjónustu sem þörf er á hverju sinni bæði innan teymisins sem og utan HSS

• Málastjórnun í einhverjum tilfellum og þverfaglegt samstarf

• Aðkoma að mótun starfs iðjuþjálfa innan HSS

• Verkefni og samstarf á öðrum deildum innan HSS

• Starfsleyfi frá Embætti Landlæknis

• Reynsla af vinnu í þverfaglegu teymi er kostur

• Færni til að vinna sjálfstætt, skipuleggja og forgangsraða verkefnum

• Framúrskarandi samskiptahæfni

• Jákvæðni, sveigjanleiki og hlýtt viðmót

Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.