Sumarstörf á HSU - Hjúkrunarfræðingar / hjúkrunarnemar á Lyflækningadeild Selfoss

Heilbrigðisstofnun Suðurlands óskar eftir að ráða hjúkrunarfræðinga og hjúkrunarnema í sumarafleysingar á Lyflækningadeild HSU Selfossi. Um er að ræða afar fjölbreytta og krefjandi hjúkrun með metnaðarfullum starfsmönnum.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

• Fjölbreytt hjúkrun lyflæknissjúklinga, sjúklinga í líknandi meðferð, sjúklinga sem eru að jafna sig eftir aðgerðir á Landspítala.

• Mikið er lagt upp úr góðri samvinnu allra starfshópa þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi.

• Um er að ræða vaktavinnu þar sem unnið er á þrískiptum vöktum.

• Hjúkrunarnám frá viðurkenndri menntastofnun

• Starfsleyfi landlæknis

• Góð hæfni í mannlegum samskiptum

• Frumkvæði, áreiðanleiki og jákvætt viðhorf

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

• Umsókninni þurfa að fylgja staðfestar upplýsingar um framvindu á menntun, starfsleyfi og fyrri störf.

• Starfshlutfall er eftir samkomulagi.

• Ráðningartímabil er frá lok maí - lok ágúst eða eftir samkomulagi.

• Nemar sem þurfa að safna tímum í klínískri vinnu sérstaklega boðnir velkomnir.