Ljósmóðir - Fjöldskyldudeild HSA - SUMARAFLEYSING 2026

Heilbrigðisstofnun Austurlands (HSA) óskar að ráða ljósmóður í sumarafleysingu. Um er að ræða 100% stöðu eða skv. samkomulagi.

Afleysing í fæðingarþjónustu og sængurlegu við sjúkrahúsið í Neskaupstað og/eða mæðravernd á Austurlandi.

Íslensk starfsréttindi ljósmóður. Sónarkunnátta er kostur, en ekki nauðsyn. Lögð er áhersla á metnað í starfi, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta áskilin.

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu.