Rannsóknastarf með starfsstöð í Hafnarfirði

Hafrannsóknastofnun óskar eftir að ráða aðila við rannsóknir sýna og gagnavinnslu í starfsstöð stofnunarinnar í Hafnarfirði. Starfið felst í fjölbreyttri vinnu við öflun og úrvinnslu gagna í landi og í rannsóknaleiðöngrum á sjó.

Um stofnunina:

Hafrannsóknastofnun, rannsókna- og ráðgjafarstofnun hafs og vatna, heyrir undir Matvælaráðuneytið og er stærsta rannsóknastofnun landsins á sviði haf- og vatnarannsókna. Stofnunin gegnir auk þess ráðgjafahlutverki varðandi sjálfbæra nýtingu og verndun auðlinda hafs og vatna. Höfuðstöðvar stofnunarinnar eru í Hafnarfirði en auk þess eru starfsstöðvar vítt og breitt um landið, tilraunaeldisstöð, tvö rannsóknaskip. Hjá stofnuninni starfa að jafnaði um 190 manns í fjölbreyttum störfum.

Gildi stofnunarinnar eru: Þekking - Samvinna - Þor

• Aldursgreiningar nytjastofna

• Þátttaka í sýnatöku úr lönduðum afla nytjastofna

• Þátttaka í rannsóknaleiðöngrum á sjó

• Úrvinnsla sýna ­­­­

• Önnur tilfallandi verkefni

• Háskólamenntun og/eða starfsreynsla sem nýtist í starfi.

• Almenn góð tölvukunnátta.

• Nákvæmni, frumkvæði, skipulagshæfni og sjálfstæði í vinnubrögðum.

• Rík þjónustulund, jákvæðni og góð hæfni í mannlegum samskiptum.

• Góð íslensku kunnátta í rituðu og mæltu máli.

• Enskukunnátta æskileg

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknarfrestur er til 29. janúar 2025.

Umsókn skal fylgja:

• Ítarleg náms- og ferilskrá

• Afrit af prófskírteinum

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið

• Tilnefna skal tvo meðmælendur

Sótt er um starfið á Starfatorgi. Gerð er krafa um að umsækjendur hafi hreint sakavottorð. Öllum umsóknum verður svarað þegar ákvörðun um ráðningu hefur verið tekin. Ófullnægjandi umsóknir eru ekki teknir til greina. Umsókn getur gilt í sex mánuði eftir að umsóknarfresti lýkur.