Sumarstörf 2025 - Lóðaumsjón

Landspítali auglýsir laus til umsóknar sumarstörf við lóðaumsjón. Við leitum eftir jákvæðu, vinnusömu og ábyrgu starfsfólki sem býr yfir lipurð í mannlegum samskiptum, stundvísi og heiðarleika.

Umhverfisþjónusta heyrir undir rekstrar- og mannauðssvið og rekur allar fasteignir og lóðir Landspítala; samanlagt um 335.000 m2. Verkefnin eru fjölbreytt og snúa m.a. að almennri umhirðu á lóðum spítalans.

Hér geta einstaklingar sett inn umsókn fyrir sumarafleysingar við almenn störf í lóðaumsjón sumarið 2025. Vinsamlegast takið fram ef þið hafið unnið áður á Landspítala, með því að skrá í reitinn Annað neðst á umsóknareyðublaðinu. Mikilvægt er að umsókn sé vel fyllt út.

• Almenn umhirða á lóðum Landspítala í samræmi við umhverfisstefnu spítalans

• Gróðursetning og umhirða gróðursvæða

• Sjá um að umhverfi og aðstæður utandyra séu til fyrirmyndar

• Önnur tilfallandi verkefni

• Rík þjónustulund og jákvæðni

• Hæfni í mannlegum samskiptum

• Góð íslenskukunnátta

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Með umsókn skal fylgja

• Starfsferilskrá þar sem nám og fyrri starfsreynsla er tilgreind.

• Staðfesting á hversu mörgum einingum er lokið þegar störf hefjast, ef viðkomandi er í námi.

Stjórnendur hafa samband við þá umsækjendur sem þeir hafa hug á að bjóða í viðtal. Öllum umsóknum verður svarað að ráðningum loknum. Tekið er mið af jafnréttisstefnu Landspítala við ráðningar á spítalanum.

Athugið að sækja þarf sérstaklega um ótímabundin störf sem auglýst eru á starfasíðu Landspítala.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerking: Heilbrigðisþjónusta, almenn störf, þjónustustörf, garðyrkja.

Tungumálahæfni: íslenska 4/5