Þróunar- og fræðslustjóri

Þjóðminjasafn Íslands auglýsir laust til umsóknar nýtt starf þróunar- og fræðslustjóra. Í boði er áhugavert og krefjandi starf með fjölbreyttum verkefnum fyrir metnaðarfullan einstakling þar sem reynir á teymisstjórn, frumkvæði, skapandi hugsun, ríka þjónustulund, og samskiptahæfni. Vinnustaðurinn okkar er fjölbreyttur og lifandi þar sem sköpun, fræðsla og varðveisla menningararfsins fléttast saman í hvetjandi og framsæknu umhverfi. Þróunar- og fræðslustjóri mun heyra undir framkvæmdastjóra þjónustusviðs.

• Þróa og móta ásýnd Þjóðminjasafnsins með sérstakri áherslu á að laða að yngstu gestina og stuðla að aukinni þátttöku þeirra

• Byggja upp virkt fræðslunet Þjóðminjasafnsins sem höfuðsafns

• Bera ábyrgð á miðlun og fræðslu, með áherslu á gerð efnis fyrir ólíka hópa

• Bera ábyrgð á viðburðateymi ásamt fræðslu- og viðburðadagskrá og þróun hennar

• Stjórna verkefnum tengdum mótun, endurnýjun og viðhaldi á grunn- og sérsýningum til að tryggja nýsköpun og gæði

• Háskólamenntun sem nýtist í starfið er skilyrði

• Reynsla af verkefnastjórnun á sviði fræðslu í safni er kostur

• Reynsla af mannaforráðum er kostur

• Frjó og skapandi hugsun

• Færni í mótun hugmynda og lausna

• Góð samskiptahæfni og leiðtogafærni eru skilyrði

• Gott vald á íslensku og ensku í ræðu og riti

• Vald á Norðurlandamáli er kostur

• Vönduð vinnubrögð og góðir skipulagshæfileikar eru skilyrði

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Um 100% starf er að ræða og æskilegt að viðkomandi geti hafið störf sem fyrst

Með umsókn um starfið þarf að fylgja ferilskrá með greinargóðum upplýsingum um störf umsækjenda og menntun, nöfnum a.m.k. tveggja umsagnaraðila ásamt kynningarbréfi þar sem gerð er grein fyrir ástæðu umsóknar og inniheldur rökstuðning fyrir hæfni í starfið.

Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá því að umsóknarfrestur rennur út.