Hjúkrunarfræðingar á bráðamóttöku

Við leitum eftir hjúkrunarfræðingum sem hafa áhuga á bráðahjúkrun. Í boði eru áhugaverð og fjölbreytt störf með góðu samstarfsfólki. Á bráðamóttöku Landspítala í Fossvogi býðst gott tækifæri fyrir hjúkrunarfræðinga til að þróa með sér faglega þekkingu í meðferð og mati á veikum og slösuðum sjúklingum. Deildin er opin allan sólarhringinn, alla daga ársins. Þangað koma allir sjúklingahópar Landspítala og er því starfið fjölbreytt og engir dagar eins. Starfið felur í sér mikla teymisvinnu þar sem unnið er náið með öllum starfsstéttum. Á deildinni ríkir sérstaklega góður starfsandi.

Boðið verður upp á einstaklingshæfða aðlögun, undir leiðsögn reyndra hjúkrunarfræðinga.

Á deildinni er einnig öflugt fræðslustarf og starfsþróun samkvæmt hæfniviðmiðum bráðahjúkrunar og halda bráðahjúkrunarfræðingar og sérfræðingar í bráðahjúkrun utan um skipulag, leiðsögn og fræðslu.

Við leitum eftir metnaðarfullum hjúkrunarfræðingum sem eru sjálfstæðir í starfi, með ríka þjónustulund og með góða samskiptahæfni. Starfshlutfall er 80-100% eða eftir samkomulagi. Unnið er á þrískiptum vöktum. Starfið er laust og upphafsdagur eftir samkomulagi.

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

• Veita einstaklingshæfða hjúkrunarmeðferð, ráðgjöf og stuðning til einstaklinga og aðstandenda þeirra

• Þátttaka í þverfaglegri teymisvinnu

• Virk þátttaka í þróun hjúkrunar og uppbyggingu deildarinnar

• Íslenskt hjúkrunarleyfi

• Framúrskarandi samskiptahæfni

• Áhugi og hæfni til að takast á við breytingar og færni í teymisvinnu

• Frumkvæði, faglegur metnaður

• Sveigjanleiki og sjálfstæði í vinnubrögðum

• Íslenskukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 4/5