Sumarafleysing á dagdeild lyflækninga - Hjúkrunarfræðingar/hjúkrunarnemar

Langar þig að nýta þekkingu þína og hæfileika og vinna í hvetjandi og lærdómsríku umhverfi?

Við leitum að bæði hjúkrunarfræðingum og hjúkrunarnemum í sumarafleysingar í okkar öfluga teymi á dagdeild lyflækninga. Frábært tækifæri til að öðlast reynslu og þróa faglega hæfni þar sem áhersla er lögð á lærdóm, fagmennsku og mannlega nálgun.

Hvað gerir starfið spennandi:

Reynsla sem skiptir máli

Tækifæri til að læra í hvetjandi vinnuumhverfi

Teymisvinna

Fagleg þróun

Vaktavinna

Góð aðlögun með reyndum hjúkrunarfræðingum

Ef þú hefur áhuga á að taka þátt í okkar frábæra teymi og fá verðmæta reynslu í hjúkrun, þá er þetta sumarstarf fyrir þig!

• Ábyrgð á öllum almennum verkefnum hjúkrunarfræðinga samkvæmt lögum og reglugerðum

• Unnið samkvæmt markmiðum hjúkrunar, deildarinnar og stofnunarinnar

• Fjölbreytt og gefandi starf í góðu starfsumhverfi

• Góð handleiðsla frá reyndum hjúkrunarfræðingum

• Hjúkrunarfræðingar skulu hafa fullgilt hjúkrunarpróf og starfsleyfi. Starfsreynsla í hjúkrun er æskileg

• Hjúkrunarfræðinemar skulu helst hafa lokið 3 árum í hjúkrunarfræði

• Áhersla á frumkvæði, sjálfstæð vinnubrögð og hæfileika í samskiptum og samvinnu

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.