Starfsfólk í ræstingu

Heilbrigðisstofnun Suðurnesja (HSS) óskar eftir að ráða til starfa starfsfólk í ræstingu. Auglýst er eftir alls sex stöðugildum. Starfshlutfall er 70-100% eftir samkomulagi. Um er að ræða vaktavinnu og mikilvægt að viðkomandi geti hafið störf sem fyrst.

Starfið felur í sér ræstingu í öllum byggingum HSS í Keflavík. Um er að ræða vinnu í teymi sem skipuleggur og hefur umsjón með almennri ræstingu, sértækum þrifum og öðrum sérverkefnum tengdum ræstingu og þrifum. Starfið felur einnig í sér móttöku, frágangi og afhendingu á hreinu líni fyrir starfsemi HSS sem og undirbúning á sendingum á óhreinu líni til þvottahúsa.

• Þekking og reynsla af ræstingum innan heilbrigðis- eða matvælageira er mikill kostur

• Góð samskiptahæfni

• Íslensku- eða enskukunnátta

• Sjálfstæð og námkvæm vinnubrögð

• Þjónustulund, fag- og snyrtimennska

Laun samkvæmt gildandi kjarasamningi sem fjármála- og efnahagsráðherra og Verkalýðs- og sjómannafélag Keflavíkur hafa gert.

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.