Sumarafleysingar geðdeild - Aðstoðarmaður

Langar þig í sumarstarf í hvetjandi og lærdómsríku umhverfi?

Við leitum að starfsfólki í aðstoð vegna sumarafleysinga í okkar góða lið á geðdeild Sjúkrahússins á Akureyri. Um er að ræða vaktavinnu í fjölbreyttu starfsumhverfi.

• Störf aðstoðarmanna skulu vera í samræmi við markmið hjúkrunar og verklagsreglur á geðdeild SAk

• Aðstoðarmaður ber ábyrgð á störfum sínum gagnvart næsta yfirmanni

• Aðstoðarmaður fylgir eftir meðferðaráætlunum sjúklinga í samráði við hjúkrunarfræðing/sjúkraliða

• Aðstoðarmaður fylgir sínum sjúklingi og er virkur þátttakandi í viðtölum með deildar-/geðlækni

• Reynsla á geðsviði æskileg

• Hæfni í mannlegum samskiptum, skipulag og sjálfstæð vinnubrögð

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.