Lífeindafræðingur

Viltu slást í hópinn og taka þátt í uppbyggingu stofnunarinnar?

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2030.

Við leitum að metnaðarfullum og jákvæðum lífeindafræðingum til að slást í hópinn okkar. Um er að ræða 80-100% starf í vaktavinnu. Æskilegt er að viðkomandi geti hafið störf sem fyrst eða eftir samkomulagi.

Á HSS er lögð áhersla á góða samvinnu, stuttar boðleiðir og góðan starfsanda.

Á rannsóknarstofu eru framkvæmdar rannsóknir í blóðmeinafræði, klínískri lífefnafræði og sýklafræði. Unnið er á grundvelli þverfaglegs samstarfs sérfræðinga. Lífeindafræðingar starfa samkvæmt lögum og reglugerðum um heilbrigðisstarfsmenn.

• Íslenskt starfsleyfi í lífeindafræði (Biomedical Scientist)

• Faglegur metnaður

• Framúrskarandi samskiptahæfni

• Sjálfstæði í vinnubrögðum

• Mjög góð kunnátta í íslensku og ensku bæði í töluðu og rituðu máli

• Hlýtt og jákvætt viðmót

• Starfsreynsla er kostur

Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.