Verkefnastjóri gæðamála

Viltu taka þátt í uppbyggingu stofnunarinnar?

Við leitum að metnaðarfullum og jákvæðum einstaklingi í starf Verkefnastjóra gæðamála. Um er að ræða 80% starf í dagvinnu.

Verkefnastjóri vinnur í nánu samstarfi við forstjóra og gæðastjóra að gæða- og öryggismálum á HSS. Hann framfylgir gæðastefnu HSS og stefnu HSS til ársins 2030. Byggt er á stefnuáherslum um þjónustu, öryggismenningu og stöðugar umbætur.

Á HSS er lögð áhersla á góða samvinnu, stuttar boðleiðir og góðan starfsanda.

Verkefnastjóri vinnur náið með gæðastjóra, stjórnendum og gæðavörðum að uppbyggingu öryggis og gæða í þjónustunni. Vinnur að verkefnum sem tengjast gæðahandbók HSS. Aðstoðar við greiningu og úrvinnslu gagna við atvikaskráningar. Aðstoðar við gerð þjónustukannana og tekur þátt í innri úttektum á HSS og önnur tilfallandi verkefni sem forstjóri og/eða gæðastjóri fela viðkomandi.

• Heilbrigðismenntun á háskólastigi sem nýtist i starfi

• Reynsla og þekking á verkefnastjórnun

• Yfirgripsmikil þekking á gæðamálum í heilbrigðisþjónustu

• Mjög góð samskiptahæfni og geta til að vinna í þverfaglegum teymum

• Fagmennska, umhyggja og virðing í samskiptum

• Sjálfstæði og sveigjanleiki í starfi

• Góð íslenska í ræðu og riti er skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá, afrit af prófskírteinum og starfsleyfi ásamt kynningarbréfi þar sem fram kemur rökstuðningur fyrir hæfni og sýn á starfið. Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum.

Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.