Rannsóknarlögreglumaður í landamæradeild

Lögreglan á höfuðborgarsvæðinu leitar eftir drífandi og metnaðarfullum rannsóknarlögreglumanni til starfa í landamæradeild sem heyrir undir löggæslusvið. Um er að ræða spennandi, krefjandi og fjölbreytt starf. Sett verður í stöðuna frá 1. febrúar 2025 í 6 mánuði með skipun í huga að reynslutíma loknum.

Löggæslusvið embættis sinnir almennri löggæslu en undir sviðið heyra lögreglustöðvar embættisins auk landamæradeildar, aðgerðardeildar og umferðardeildar. Megin verkefni landamæradeildar er að framfylgja reglum um landamæraeftirlit og /eða landamæragæslu skv. reglugerð um för yfir landamæri nr. 866/2017 og lögum um útlendinga sinna fyrstu og annars stigs skoðun á Landamærum. Tryggja að unnið sé eftir lögum og reglum eins og Schengen Borders Code, lögum um landamæri og útlendingalögum. Í samræmið við áherslur og markmið hverju sinni.

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir öll alltaf. Megin áhersla er lögð á að starfsfólk búi yfir þekkingu og hæfni til að takast á við fjölbreytileg verkefni. Gildi LRH eru TRAUST, FAGMENNSKA og ÖRYGGI.

Við ráðningar hjá LRH er tekið mið af jafnréttisáætlun embættisins.

Í samræmi við reglugerð 1051/2006 um starfsstig innan lögreglunnar: Rannsóknir brota og markvissar afbrotavarnir í samræmi við stefnu, áherslur og markmið LRH. Tryggir fagleg gæði rannsókna og að málshraði sé í samræmi við markmið.

Umsækjandi skal hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar og hafa starfað sem lögreglumaður í að minnsta kosti 2 ár að prófi loknu, sbr. 3. mgr. 14. gr. reglugerðar nr. 1051/2006 um starfstig innan lögreglu.

• Reynsla af rannsóknum í útlendingamálum æskileg

• Reynsla af landamæraeftirliti æskileg

• Þekking á lögum og regluverki í útlendingamálum og Schengen samstarfi æskileg

• Þekking og/eða aukin menntun sem nýtist í starfi er kostur

• Framúrskarandi samskiptahæfni og þjónustulund

• Mikið frumkvæði, sveigjanleiki og gott álagsþol

• Skipulögð, vönduð og nákvæm vinnubrögð

• Góð almenn tölvukunnátta

• Góð íslensku og enskukunnátta

Umsókn skal fylgja ítarleg ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.Umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna nr. 1000/2019 um auglýsingar á lausum störfum, sem settar eru samkvæmt heimild í 3. mgr. 7. gr. laga nr. 70/1996 um réttindi og skyldur starfsmanna ríkisins.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.