Hjúkrunarfræðingur á endurhæfinga- og öldrunarlækningadeild SAk

Við leitum að hjúkrunarfræðingi í teymið okkar á Kristnesspítala. Um er að ræða starf á frábærum vinnustað þar sem samvinna og faglegt starf fer fram á sviði endurhæfinga- og öldrunarlækninga Sjúkrahússins á Akureyri. Einnig kemur til greina að ráða inn hjúkrunarnema.

Unnið er samkvæmt vaktaskipulagi deildarinnar á þrískiptum vöktum, þriðja hver helgi. Starfið er laust frá 1. nóvember nk. eða eftir samkomulagi. Æskilegt starfshlutfall er 70-100%.

Frábært tækifæri á góðum vinnustað í fjölbreyttu og lærdómsríku starfsumhverfi sem hentar bæði fyrir hjúkrunarfæðinga sem vilja breyta til í starfi og takast á við nýjar áskoranir sem og ný útskrifaða hjúkrunarfræðinga sem vilja kynnast endurhæfinga- og öldrunarhjúkrun.

Við tökum vel á móti nýju starfsfólki og veitum góða einstaklingshæfða aðlögun með reyndum hjúkrunarfræðingum.

Næsti yfirmaður er Eygló Brynja Björnsdóttir deildarstjóri á Kristnesspítala.

• Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum

• Þátttaka í teymisvinnu og umbótastarfi deildarinnar

• Einnig að unnið sé samkvæmt markmiðum hjúkrunar, deildarinnar og stofnunarinnar

Á Kristnesspítala er veitt einstaklingsmeðferð, hópmeðferð og þjónusta á göngudeild. Lögð er áhersla á þekkingu og færni í heilsufarsmati sjúklinga, heilbrigðishvatningu, markmiðssetningu, meðferð, fræðslu og leiðsögn til sjúklinga, aðstandenda og annarra meðferðaraðila. Starfið felur í sér teymisvinnu sem byggir á markvissri samvinnu sjúklings, fjölskyldu og meðferðaraðila. Þjónustuhópurinn eru einstaklingar 18 ára og eldri. Algengustu vandamál eru stoðkerfisvandamál, langvinnir verkir, gigt, heilaáföll, taugasjúkdómar, mænuskaði, offita og lungnavandamál auk breytinga á heilsufari sem tengjast öldrun. Enn fremur kemur fólk í endurhæfingu eftir langvarandi veikindi eins og t.d. krabbamein. Meðallegutími er 4-6 vikur og tekið er mið af þörfum hvers og eins og árangri endurhæfingar.

• Umsækjendur skulu hafa fullgilt hjúkrunarfræðipróf og íslenskt starfsleyfi

• Starfsreynsla í öldrunar- og/eða endurhæfingarhjúkrun er kostur

• Hjúkrunarnemar skulu skila inn staðfestingu á því að þeir hafi lokið 3 árum í hjúkrunarfræði

• Lögð er áhersla á frumkvæði, sjálfstæð vinnubrögð og hæfileika í samskiptum og samvinnu

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.