Skrifstofumaður á rannsóknadeild

Laus er til umsóknar staða skrifstofumanns á rannsóknadeild Sjúkrahússins á Akureyri. Starfshlutfall er 100% í dagvinnu. Lögð er áhersla á góða samvinnu við alla starfshópa. Staðan er laus eftir samkomulagi.

Næsti yfirmaður er deildarstjóri rannsóknadeildar, Inga Stella Pétursdóttir.

• Yfirferð reikninga

• Afgreiðsla í móttöku

• Umsjón með sýnasendingum

• Önnur tilfallandi verkefni

• Góð almenn tölvukunnátta

• Gott vald á íslensku bæði í ræði og riti

• Hæfni á sviði samskipta og samvinnu

• Frumkvæði og sjálfstæði í vinnubrögðum

• Æskilegt er að umsækjandi hafi reynslu af bókhaldsvinnu og reikningsgerð

• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Kjölur hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.