Geilsafræðingur

Heilbrigðisstofnun Suðurnesja óskar eftir að ráða til starfa geislafræðinga á röntgendeild stofnunarinnar. Æskilegt er að viðkomandi geti hafið störf sem fyrst. Starfshlutfall er 80-100% eftir samkomulagi. Um er að ræða vaktavinnu.

Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi.

Í boði er einstaklingshæfð aðlögun með reyndum geislafræðingum.

Um er að ræða fjölbreytt og krefjandi starf með skemmtilegu og metnaðarfullu starfsfólki. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Starfið felst í öllum almennum röntgen- og tölvusneiðmyndagreiningum, og gæðaeftirlitsmælingum á tækjum ásamt því að taka á móti nemum.

Geislafræðingar starfa samkvæmt lögum um heilbrigðisþjónustu nr. 40/2007, lögum nr. 34/2012 um heilbrigðisstarfsmenn og lögum um réttindi og skyldur starfsmanna ríkisins nr. 70/1996.

• Íslenskt starfsleyfi geislafræðings

• Reynsla af almennum störfum geislafræðings er skilyrði

• Þekking og kunnátta á gæðaeftirliti er kostur

• Þekking á notkun Philips DXR C90 og GE ¿ tæki er kostur

• Frumkvæði og skipulagsfærni

• Framúrskarandi þjónustulund og samskiptahæfni

• Reynsla af jafningjafræðslu er kostur

• Góð tölvu- og tækniþekking er nauðsynleg

• Gott vald á íslensku og geta til að tjá sig í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi.

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.