Gagnagæðasérfræðingur á Gagnasviði Hagstofunnar

Hagstofa Íslands leitar að nákvæmum og metnaðarfullum gagnagæðasérfræðing á Gagnasviði með áhuga á gagnagæðum. Í þessu starfi munt þú leggja grunn að traustum upplýsingum sem nýtast víða, þar á meðal í launatölfræði og kjarasamningsgerð. Þú munt taka þátt í að byggja upp gagnagæði í samvinnu við fjölbreytta gagnaveitendur svo sem fyrirtæki og stofnanir og staðla gögn til að uppfylla kröfur Hagstofunnar.

Áhersla er lögð á samskipti við gagnaveitendur og innri aðila til að tryggja gagnagæði við úrvinnslu gagna. Starfið felur í sér flokkun, vinnslu og greiningu á gögnum. Sérstök áhersla er á stöðlun og sannprófun gagna til að byggja upp traustan grunn upplýsinga fyrir íslenskan vinnumarkað og fleiri svið. Fyrstu verkefni þín munu tengjast mánaðarlegri launarannsókn Hagstofunnar.

• Háskólamenntun sem nýtist í starfi; þekking á vinnumarkaðs- og launamálum er kostur

• Mikil greiningarhæfni og skipulagsfærni

• Framúrskarandi samskipta- og samvinnuhæfni

• Góð tölvukunnátta, sérstaklega í SQL eða öðrum greiningarforritum

• Geta til að tileinka sér nýja þekkingu og ferla hratt

• Reynsla af umsýslu og úrvinnslu gagna í gagnagrunnum er kostur

• Þekking á launahugbúnaði eða kjarasamningsgerð er kostur

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Hvað býður Hagstofan upp á?

• Krefjandi og spennandi verkefni

• Vinnu í samfélagslega mikilvægu hlutverki

• Skemmtilegt samstarfsfólk

• Gott mötuneyti

• Íþróttastyrk

• Samgöngustyrk

• Sveigjanlegan vinnutíma

• Styttingu vinnuvikunnar

• Möguleika til fjarvinnu

• Hjólageymslu og bílastæði

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út. Öll sem telja sig hæf í starfið eru hvött til að sækja um óháð kyni og uppruna. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 einstaklinga. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur fjölbreytta viðburði fyrir starfsfólk. Leiðarljós Hagstofunnar eru þjónusta - áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is

Vertu hluti af liðsheild sem vinnur að því að skapa traustar upplýsingar fyrir samfélagið