Sérfræðingur í gagnavísindum rannsókna

Starfið felur í sér umsjón með rannsóknaþjónustu Hagstofu Íslands sem þjónustar fræðasamfélagið og opinbera aðila með ríkar greiningarþarfir. Samhliða rekstri felst í starfinu hönnun og þróun á rannsóknargagnagrunnum Hagstofunnar og lýsisgagna þeirra með það að leiðarljósi og að bæta þjónustuna og sjálfvirknivæða umsýslu gagna.

Í starfinu felast mikil samskipti við notendur í formi stuðnings við umsækjendur við gerð umsókna og greiningu gagnaþarfa þeirra, tiltekt og skipulagning rannsóknargagna í samstarfi við gagnatækniteymi Hagstofu Íslands og umsýsla með rannsóknarumhverfi Hagstofunnar.

• Umsjón með rannsóknaþjónustu Hagstofu Íslands.

• Framþróun rannsóknargagnagrunns Hagstofunnar og lýsigagna hans.

• Uppbygging og þróun gagnamiðlunar innviða.

• Þróun á aðferðafræði rekjanleikavarna og framkvæmd þeirra .

• Umsjón með rannsóknarumhverfi Hagstofunnar (Iðunni).

• Samstarf við gagnamiðlun um notendamiða þjónustu.

• Samstarf við gagnasvið Hagstofunnar um þróun gagnalaga.

• Framhaldsmenntun á háskólastigi með miklu gagnavísindalegu inntaki doktorsgráða er kostur.

• Þekking á venslagagnagrunnum og SQL

• Mikil færni á forritunarmáli sem notuð eru við gagnaúrvinnslu, svo sem R, Python eða Julia.

• Mikil samskiptafærni

• Mikil skipulagsfærni

• Sjálfstæði í starfi og drifkraftur

• Góð enskukunnátta

• Reynsla og þekking á akademískum rannsóknum

• Ritfærni á fræðilegum texta

• Þekking á gæðastarfi er kostur

• Þekking á kerfisstjórnun er kostur

• Góð þekking rannsóknaraðferðum félagsvísinda er kostur.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Hvað býður Hagstofan upp á?

• Krefjandi og spennandi verkefni

• Vinnu í samfélagslega mikilvægu hlutverki

• Skemmtilegt samstarfsfólk

• Gott mötuneyti

• Íþróttastyrk

• Samgöngustyrk

• Sveigjanlegan vinnutíma

• Styttingu vinnuvikunnar

• Möguleika til fjarvinnu

• Hjólageymslu og bílastæði

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út. Öll sem telja sig hæf í starfið eru hvött til að sækja um óháð kyni og uppruna. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 einstaklinga. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur fjölbreytta viðburði fyrir starfsfólk. Leiðarljós Hagstofunnar eru þjónusta - áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is