Sérfræðingur í bráðahjúkrun

Heilbrigðisstofnun Suðurnesja auglýsir eftir sérfræðingi í bráðahjúkrun.

Slysa- og bráðamóttaka Heilbrigðisstofnunar Suðurnesja flutti í nýtt og endurgert húsnæði árið 2023 með fullkominni aðstöðu til móttöku bráðveikra og slasaðra. Komur á bráðamóttökuna eru um 15.000 á ári.

Meginhlutverk sérfræðings í bráðahjúkrun er að þróa, samræma og skipuleggja þjónustu við bráðasjúklinga í samvinnu við aðrar heilbrigðisstéttir. Einnig veitir viðkomandi ráðgjöf, sér um kennslu til starfsfólks og nemenda auk rannsóknar- og þróunarvinnu. Hann ber ábyrgð á að skipuleggja störf sín þannig að þau nýtist sjúklingum sem best. Um er að ræða nýtt starf við stofnunina.

• Hjúkrun sjúklinga

• Þróun hjúkrunar og uppbygging þjónustu innan sérgreinar

• Ráðgjöf til sjúklinga, aðstandenda og heilbrigðisstarfsfólks

• Innleiðing nýrra verkferla sem byggja á gagnreyndri þekkingu

• Kennsla og fræðsla

• Rannsóknir og gæðastörf

• Íslenskt sérfræðileyfi í hjúkrun, sbr. reglugerð nr.512/2013

• Yfirgripsmikil þekking og klínísk færni til að leysa viðfangsefni er lúta að hjúkrun og meðferð bráðasjúklinga

• Hæfni til að veita ráðgjöf

• Mjög góð forystu- og leiðtogahæfni

• Mjög góð samskiptahæfni og geta til að vinna í þverfaglegum teymum

• Fagmennska, umhyggja og virðing í samskiptum

• Þekking og færni í notkun viðeigandi klínískra kerfa og gagnagreiningu

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá þar sem fram kemur reynsla af kennslu, rannsóknum, gæða og þróunarverkefnum. Afrit af prófskírteinum og starfsleyfi ásamt ítarlegu kynningarbréfi.

Öllum umsóknum verður svarað og umsækjendum tilkynnt um ráðstöfun starfsins sem byggir á innsendum gögnum og viðtölum.