Doktorsnemi í sjávarlíffræði - meðafli í fiskveiðum Íslendinga

Hafrannsóknastofnun óskar eftir að ráða doktorsnema til starfa við rannsóknir í sjávarlíffræði í verkefni sem snýr að þáttum sem hafa áhrif á meðafla sjávarspendýra og fugla í fiskveiðum við landið. Staðan er til 4 ára.

Starfið er einnig auglýst á ensku á síðu Research gate: PHD STUDENT POSITION IN MARINE BIOLOGY ON BYCATCH OF SENSITIVE SPECIES IN ICELANDIC FISHERIES at Marine and Freshwater Research Institute in Reykjavík, ICELAND

Rannsóknir á hvaða þættir hafa áhrif á meðafla sjávarspendýra og sjófugla í íslenskum fiskveiðum. Gögnum fyrir rannsóknina hefur nú þegar verið safnað, en tækifæri verða til að taka þátt í gagnasöfnum fyrir önnur verkefni í þessum geira. Þátttaka í rannsóknaverkefnunum Marine Beacon og CIBBRiNA sem eru stór verkefni Evrópusambandsins og snúa að leiðum til að minnka meðafla í fiskveiðum. Þátttaka í öðrum rannsóknum Hafrannsóknastofnunar á sjávarspendýrum við landið. Birting niðurstaðna í vísindagreinum, skýrslum, og erindum.

• Meistarapróf í sjávarlíffræði, tölfræði eða skyldum greinum.

• Reynsla af rannsóknum á sviði sjávarlíffræði. Birtingar rannsóknaniðurstaðna í ritrýndum vísindatímaritum er kostur

• Metnaður, frumkvæði og sjálfstæði í vinnubrögðum.

• Jákvætt viðmót, samstarfsvilji og hæfni til að vinna í teymi.

• Góð færni til að tjá sig í ræðu og riti á ensku. Íslenskukunnátta er kostur

• Reynsla og þekking í R skilyrði.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfið er fullt starf og er staðan til 4 ára. Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Umsóknarfrestur er til 7. desember 2024.

Umsókn skal fylgja:

• Ítarleg ferilskrá.

• Afrit af prófskírteinum.

• Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

• Tilnefning a.m.k. tveggja meðmælenda.

• Öllum umsóknum svarað þegar ákvörðun um ráðningu liggur fyrir.

Vinsamlegast sendið umsóknina á mannaudur@hafogvatn.is.

Gerð er krafa um að umsækjendur hafi hreint sakavottorð. Öllum umsóknum verður svarað þegar ákvörðun um ráðningu hefur verið tekin. Ófullnægjandi umsóknir eru ekki teknar til greina. Umsókn getur gilt í sex mánuði eftir að umsóknarfresti lýkur. Hafrannsóknastofnun áskilur sér jafnframt rétt til að hafna öllum umsóknum.

Við ráðningu í störf hjá Hafrannsóknastofnun er tekið mið af jafnréttisáætlun stofnunarinnar.