Bókari - Bókhaldsskrifstofa HSA - Neskaupstaður

Heilbrigðisstofnun Austurlands óskar eftir að ráða öflugan bókara til starfa á bókhaldsskrifstofu sína í Neskaupstað. Um er að ræða 100% stöðugildi. Staðan er laus nú þegar eða eftir nánara samkomulagi.

Bókari starfar á fjármálasviði HSA undir verkstjórn aðalbókara.

Bókhaldsmenntun er kostur og/eða mikil þekking og haldgóð reynsla af bókhaldi. Góð tölvukunnátta er áskilin. Þekking á rafrænum ferlum, góð kunnátta á Oracle-kerfi ríkisins og Excel er kostur. Viðkomandi þarf að vera skipulagður og nákvæmur í vinnubrögðum, hafa ríka þjónustulund og færni í mannlegum samskiptum. Íslenskukunnátta er áskilin.

Laun samkvæmt gildandi kjarasamningi sem fjármála- og efnahagsráðherra og Félag opinberra starfsmanna á Austurlandi hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu enda slagorð stofnunarinnar, samvinna um velferð.