Hjúkrunarfræðingur - Egilsstaðir heilsugæsla - Afleysing

Heilbrigðisstofnun Austurlands (HSA) óskar eftir að ráða hjúkrunarfræðing í afleysingastöðu til eins árs á heilsugæsluna á Egilsstöðum. Staðan er laus nú þegar eða samkvæmt nánara samkomulagi og er starfshlutfall er 90%.

Möguleiki er á aðstoð við útvegun húsnæðis og gott aðgengi er að leikskólum á svæðinu.

Egilsstaðir er um 3.000 manna bæjarfélag í fallegu og fjölskylduvænu umhverfi. Í bænum er leikskóli, grunnskóli, framhaldsskóli og ýmis tækifæri til íþróttaiðkunar. Flott skíðasvæði í Stafdal og margir möguleikar á að stunda útivist.

Almenn heilsugæsluþjónusta. Um er að ræða fjölbreytt og krefjandi starf á heilsugæslu þar sem unnið er á grundvelli þverfaglegs samstarfs. Hjúkrunarfræðingar sinna auk þess bakvöktum utan dagvinnutíma.

Íslenskt hjúkrunarleyfi er skilyrði. Lögð er áhersla á metnað í starfi, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta áskilin. Kostur er að viðkomandi hafi viðbótarnám í heilsugæsluhjúkrun.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsóknum um auglýst störf skal skilað rafrænt til HSA . Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun er ekki heimil á vinnutíma innan HSA.HSA starfar á þremur fagsviðum; heilsugæslu-, hjúkrunar- og sjúkrasviði en alls eru starfsstöðvarnar fjórtán talsins. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Bakkafjarðar, auk ferðamanna sem sækja Austurland heim. HSA vill byggja þjónustu sína á mannvirðingu, þekkingu og þverfaglegri samvinnu enda slagorð stofnunarinnar, samvinna um velferð.