Lögfræðingur

Úrskurðarnefnd velferðarmála óskar eftir að ráða lögfræðing til starfa, í 80% starfshlutfall.

Verkefnin eru fjölbreytt og felast aðallega í túlkun og beitingu réttarreglna á sviði almannatrygginga, atvinnuleysistrygginga, barnaverndarmála, félagsþjónustu- og húsnæðismála, fæðingar- og foreldraorlofsmála svo og greiðsluaðlögunarmála.

• Umsækjandi skal hafa lokið embættis- eða meistaraprófi í lögfræði.

• Þekking á sviði stjórnsýsluréttar er æskileg.

• Starfið krefst lipurðar í samskiptum, nákvæmni í vinnubrögðum og sjálfstæðis til verka.

Æskilegt er að viðkomandi geti hafið störf sem fyrst.

Laun eru samkvæmt kjarasamningi fjármálaráðherra og Stéttarfélags lögfræðinga.

Umsóknir skulu berast til úrskurðarnefndar velferðarmála, á netfangið postur@urvel.is eigi síðar en 21. nóvember nk.

Umsóknir geta gilt í sex mánuði frá birtingu auglýsingar.

Öllum umsóknum verður svarað þegar ákvörðun hefur verið tekin um ráðningu.