Mannauðsfulltrúi HSN

Ert þú nákvæma talnatýpan sem elskar að vera í samskiptum við fólk?

Mannauðssvið Heilbrigðisstofnunar Norðurlands óskar eftir að ráða jákvæðan og skipulagðan aðila í 50% starf mannauðsfulltrúa. Hægt er að sinna starfinu frá öllum megin starfsstöðvum HSN.

Starfið heyrir undir framkvæmdastjóra mannauðs

• Almenn launavinnsla og yfirferð í Vinnustund

• Gerð ráðningasamninga

• Útreikningar á kjörum og réttindum starfsmanna skv. samningum

• Umbætur og eftirlit með ferlum tengdum starfssviðinu

• Ráðgjöf við starfsfólk og stjórnendur um málefni sem snúa að launakjörum

• Launagreiningar

• Önnur verkefni falin af framkvæmdastjóra mannauðs

• Menntun sem nýtist í starfi

• Góða greiningarhæfni, nákvæmni og talnagleggni

• Góða tölvukunnáttu og tæknilæsi. Góð kunnátta í excel er skilyrði.

• Ríka skipulagshæfni og getu til að forgangsraða

• Framúrskarandi samskiptahæfni og jákvætt lausnamiðað hugarfar

• Frumkvæði, metnað, drifkraft og sjálfstæði í vinnubrögðum

• Mjög góða færni í íslensku og góða enskukunnáttu

• Ökuleyfi, hreint sakavottorð og gott orðspor

Heilbrigðisstofnun Norðurlands veitir heilsugæsluþjónustu, sjúkrahúsþjónustu og öldrunarþjónustu í formi hjúkrunar- og dvalarrýma. Meginstarfstöðvar HSN eru starfstöðvarnar á Akureyri, Blönduósi, Dalvík, Fjallabyggð, Húsavík og Sauðárkróki. Íbúar á starfssvæði HSN, sem nær frá Blönduósi í vestri til Þórshafnar í austri, eru rúm 37.000 og starfsfólk er um 730 talsins.

Gildi HSN eru: Fagmennska - Samvinna – Virðing

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert og leggur HSN áherslu á að greiða samkeppnishæf laun. Öllum umsóknum verður svarað þegar ákvörðun um ráðningu hefur verið tekin.

Með umsókn skal fylgja ítarleg ferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Sótt er um starfið á www.mognum.is