Móttökuritari/skrifstofufulltrúi

Héraðsdómur Reykjaness leitar að líflegum og drífandi einstaklingi í fjölbreytt þjónustustarf í móttöku dómstólsins. Héraðsdómur Reykjaness er staðsettur í hjarta Hafnarfjarðar, að Fjarðargötu 9.

• Móttaka viðskiptavina, símsvörun og almenn afgreiðsla

• Skráning í málaskrá dómstólanna og frágangur mála

• Móttaka greiðslna og afstemming á sjóðsuppgjöri

• Umsjón með sendingum til málsaðila o.fl.

• Ýmis önnur tilfallandi verkefni

• Stúdentspróf

• Góð samskiptahæfni, þjónustulund og skipulagshæfni

• Reynsla af málaskráningu í málaskráningarkerfi er kostur

• Mjög góð tölvufærni og færni til að tileinka sér tækninýjungar

• Mjög góð íslenskukunnátta og góð enskukunnátta

Ráðið verður í starfið frá og með 1. júní 2026 og eru áhugasamir einstaklingar, óháð kyni, hvattir til að sækja um starfið.

Umsóknum skal fylgja starfsferilskrá ásamt kynningarbréfi þar sem gerð er grein fyrir ástæðum umsóknar og hvernig umsækjandi fullnægi fyrrgreindum hæfniskröfum.

Laun eru samkvæmt gildandi kjarasamningi sem fjármála- og efnahagsráðherra f.h. ríkissjóðs og Sameyki-stéttarfélag í almannaþjónustu hafa gert.

Umsóknir um starfið gilda í sex mánuði frá birtingu auglýsingar. Öllum umsóknum verður svarað þegar ákvörðun um ráðningu hefur verið tekin.